2021 нче елның 27 нче апрель көнне Әлмәт шәһәре 2 нче лицееның 5 нче сыйныф укучылары Әхмәтшин К., Аитова А., Вилданова Р., Закирова Н., Шәйхлисламова С.− Халыкара “Тамчы-шоу” интеллектуаль уены җиңүчеләре, чакыру буенча Казан шәһәренең “Әкият” курчак театрында кунакта булып кайттылар.  Укучыларга театр музеена мавыктыргыч сәяхәт оештырдылар,  һәр теләгән кешегә Шүрәле, Су аналары белән, экспозицияләр янында истәлеккә фотога да төшү мөмкинлеге бар иде. Бу көнне театр сәхнәсендә 50 елдан артык гомерен курчак театрына багышлаган Татарстанның атказанган артисткасы Р.Утяеваның юбилей кичәсе уздырылды. Юбилейга күп кенә җитәкчеләр, танылган артистлар да килгән иде.