Бүген, 13 мартта  безнең МБМББУ “Баланың сәләтен үстерү үзәге - 36 нчы “Тылсымлы сарай” балалар бакчасында балаларны ТР дәүләт телләренә өйрәтү буенча  татар теленә өйрәтүче  тәрбиячеләр өчен методик семинар-практикум узды.  Педагоглар төркемнәрдә белем һәм тәрбия бирү тирәлеге белән таныштылар, балалар белән аралаштылар. Тәрбиячеләр өчен дидактик уеннар, күрсәтмә материаллар, план үрнәкләре, диагностика, индивидуаль эш альбомнары  тупланган күргәзмә эшләде. Татар теле тәрбиячесе Мурдагулова В.Р. “Уйный-уйный үсәбез” проекты буенча, Усманова Р.М. “Без инде хәзер зурлар – мәктәпкә илтә юллар” проекты буенча эшчәнлек үрнәкләре күрсәттеләр. Рус телле балалар төрле уеннар аша татарча аралаштылар, уйнадылар. 56 нчы балалар бакчасыннан рус телле тәрбиячеләр Рыбакина Л.Б. һәм Стукова Л.Д. авторлык уеннарын хезмәттәшләренә тәкъдим иттеләр. Семинар барышында “ачык микрофон” эшләде, һәркем үзенең тәкъдимнәрен һәм фикерләрен җиткерде, үзара тәҗрибә уртаклашты.