21 нче декабрь көнне Алпар урта мәктәбендә Яңа ел бәйрәме үтте. Укучыларыбыз бәйрәмдә “ Хуш киләсең Яңа ел!” программасы белән чыгыш ясадылар. Бәйрәм беренче яртыеллыкка йомгак ясау, Бөтенроссия һәм Республика олимпиадаларының район турында катнашып җиңүче булган укучыларны бүләкләү белән башланып китте.Аларны әзерләгән фән ияләренә Рәхмәт хаты тапшырылды. Иҗади конкурсларга да нәтиҗә ясалды. Яңа ел тамашасы җыр, бию, кызыклы уеннар, сюрпризларга бик бай булды. Бәйрәмнең төп кунаклары Кыш бабай белән Кар кызы укучылар белән бергә күңел ачтылар, чыршы әйләнәсендә җырлар җырладылар. Яңа еллар балаларга саулык-сәламәтлек, иҗади уңышлар, ныклы белемнәр алып килсен. Илләребез тыныч, көннәребез имин булсын! 21 декабря в Алпаровской средней общеобразовательной школе состоялась Новогодняя ёлка. Праздник прошел очень весело. Дед Мороз и Снегурочка дарили детям много подарков и радости. Пусть этот год принесет нам много счастья, удачи, улыбок, тепла и света.