19-20 майда Казанда "Иң яхшы вожатый" дип аталган республикакүләм конкурс булып узды. Безнең мәктәптән 9 сыйныф укучысы Сибатова Алсу катнашты һәм "Самый яркий вожатый" номинациясендә җиңү яулады. Алсуга һәм җитәкчесе Гөлфия Нургаен кызына алда да уңышлар телибез.

2011 елның 17 маенда ИЭУП бинасында "Music Battle-2011" исемле республика чит ил җыры конкурсы булып үтте. Конкурста 8 класс укучылары Сәйфетдинова Энҗе белән Халилов Рәфис “Die Sonne”җыры белән катнашты һәм уңышлы чыгыш ясады. Алда да укучылар сезгә һәм җитәкчегез Фәния Әхәт кызына уңышлар телибез.

Безнең укучылар авылны яшелләндерүдә катнаша.

9 май көнне һәйкәл янында митинг булып узды. 5-8 сыйныф укучылары көче белән әзерләнгән бәйрәм Бөек Җиңүнең 66 ел уңаеннан тыл фидакарьләренең һәм сугыш ветераннарының батырлыгына багышланды.

        1941-1945 еллар тарих битләренә канлы хәрефләр белән уелган. Бөек Ватан сугышы. Аяусыз бәрелешләр, киселгән гомерләр, ятимнәрнең ачы күз яшьләре. 27 миллион ватандашыбызның вакытсыз гомере өзелгән, күпмесе гарипләнеп кайткан, хәбәрсез югалган, ә күпме ир-егет фашист концлагерьларында газапланган, үтерелгән. Шулар бәрабәренә Бөек Җиңү яуланган. Безнең ул көннәрне онытырга хакыбыз юк.

Безнең мәктәптән  Бөек Җиңүнең 66 ел тулу уңаеннан мини - марафонда 6 сыйныф укучысы Каримов Рәфис, 9 сыйныф укучылары - Вальщиков Салават һәм Фаракшин Ильназ катнаштылар. Каримов Рәфис 2 километр ераклыкка йөгереп, 2 урынны яулап кайтты.

Бөек Җиңүнең 66 еллыгына багышланган, Алексеевск муниципаль районының оешмалары һәм предприятияләре арасында III Спартакиада кысаларында уздырылган җиңел атлетика эстафетасында 4 укытучы катнашты: Байрамова Ф.К., Галимов И.Н., Халилова Ф.З, Яруллин И.Н.

Бүген 1 сыйныф укучыларының "Әлифба" бәйрәме булып узды. Укучылар әти-әниләренә укый-яза белүләрен һәм башка күп төрле һөнәрләрен күрсәттеләр. Бәйрәм слайд-шоу белән кызыклы итеп оештырылган иде. Римма Дамир кызына һәм укучыларга уңышлар телибез.

Җир көне уңаеннан 6 сыйныф укучылары урманга экологик экскурсиягә бардылар. 

29 апрель көнне мәктәбебездә педагог-организаторлар семинары узды. Семинар "Сугыш юллары буйлап" дигән тема астында Бөек Ватан сугышы башлануга 70 ел уңаеннан тыл фидакарьләренең һәм сугыш ветераннарының батырлыгына багышланган иде. Семинар башыннан ахырына кадәр слайд-шоу белән үрелеп барды. Семинарда катнашучылар эшне югары бәяләделәр.

Фәния Әсхать кызы!

50 яшьне узам димә,
Син яшьлектән әле китмәгән.
Үтеп барган еллар йөзләреңә
Тирән буразналар сызмаган.
***
Буй-сының да артык үзгәрмәгән,
Күзләреңдә шул ук очкыннар.
Табигатең синең һаман да яшь,
Әйтерсең лә синдә тылсым бар.
***
Сабыр гына атлап кердең,
5 ун булган алтын көзеңә.
Саулык, бәхет янәшәңдә булып,
Җитсәң иде олуг йөзеңә.

Иң изге теләкләр белән мәктәп коллективы.