Бүген Зур Тигәнәле авылында районкүләм «Тигәнәле уеннары» бәйрәме узды. Бәйрәм программасы төрле конкурслар һәм чараларга бай иде, алар барлык катнашучыларның да игътибарын җәлеп итте. 
«Абдулла Баттал исемендәге Зур Тигәнәле төп гомуми белем бирү мәктәбе»ндә эшләп килүче Татар телен үстерү үзәгендә Алексеевск муниципаль районының татар теле һәм әдәбияты укытучыларының ассоциациясе һәм Татарстан халыклары ассамблеясенең Алексеевск районы вәкиллеге белән берлектә оештырылган «Милли ризыклар ярминкәсе» конкурсында төрле халыкларның милли ашлары тәкъдим ителде. Татар теле һәм әдәбияты, туган (чуваш, мордва) теле һәм әдәбияты укытучылары да әлеге чарадан читтә калмадылар. Авыл халкы һәм килгән кунаклар бөтен районнан килгән осталар әзерләгән иң тәмле милли ризыклардан авыз итә алдылар.