23 февраль көнне “Бүләк” чаңгы трассасында, Ватанны саклаучылар көненә багышланган,  РФ Дәүләт Думасы депутаты Гыйльметдинов Илдар Ирек улы бүләгенә чаңгы ярышы булып узды. Төп максат - спортны популярлаштыру, сәламәтлекне ныгыту, сәламәт яшәү рәвешен пропагандалау һәм системалы рәвештә спорт белән шөгыльләнүгә өндәү. Югары Яхшый мәктәбеннән укытучылар да бик теләп катнаштылар.

18 февраль көнне Актанышның Иске Сәфәр төп гомуми мәктәбе базасында "Физик ут" физикадан мәсьәләләр чишү  район конкурсы узды. Югары Яхшый мәктәбеннән Хөрмәтуллина Айзилә, Хөсәенова Розалия, Зиннәтуллина Назлыгөл катнашты.

19 февраль көнне "Бүләк" чаңгы трассасында биатлон ярышлары узды. Ватанны саклаучылар көненә багышланган, хәрби-кулланма спорт ярышларында Югары Яхшый мәктәбеннән Шәрифуллин Нәфис һәм Исламов Фәнзил катнашты.

Оборона-масса айлыгы уңаеннан мәктәбебездә чаралар дәвам итә. 18 февраль көнне "Аҗаган" спорт уены узды. Укучылар саф һавада төрле сынаулар узды: мина кыры, эстафета, каршылыклар аша узу, флаг алу. Ярышта "Летчики" командасы җиңү яулады. 

15 февраль –Әфган Республикасыннан совет гаскәрләрен чыгарган көн, мөһим вакыйга гына түгел, искә алу һәм кайгы көне дә. Төзәлмәслек күңел ярасы, ачы хәсрәт күтәреп , бик күп яшьләребезнең гомерен өзеп, тарихка кереп калган  Әфган сугышы әле тиз генә төзәлмәс кебек. 18 февраль көнне тарих укытучысы Нәбиева Гөлнара Әфганстаннан совет гаскәрләре чыгарулыга 27 ел тулу уңаеннан мәктәпкүләм кичә уздырды. Кичә барышында укучылар әфганчы якташларыбыз белән таныштылар. Әфганстанда һәлак булган якташларыбыз искә алынды. 

Ватанны саклаучылар көне уңаеннан башлангыч сыйныф укучылары арасында рәсем конкурсы үтте. Иң матур рәсемнәргә урыннар чыгарылачак.

Һәр көн саен мәктәптә балаларның мәктәп формасы тикшерелә..Форма укучыны тәртипкә, пөхтәлеккә, җавапчанлыкка өйрәтә.

Һәр көнне мәктәптә иртәнге гимнастика бик күңелле уза. 

Инглиз теле атналыгы уңаеннан З.И.Нуриәхметова 7 сыйныф укучылары белән  ачык дәрес күрсәтте.