"Сәламәтлекләре чикләнгән балаларга хезмәт тәрбиясе бирү" темасына Такталачык интернат-мәктәбендә технология укытучылары семинары булып узды.Әлеге семинарда Сибатова Рәзилә Ринас кызы «Дәресләрдә яңа мәгълүмати технологияләр һәм актив методлар куллану - шәхесне һәрьяклап үстерүнең төп шарты”дигән темага чыгыш ясады.

Бу атнада директорның уку-укыту эшләре буенча директор урынбасары Р.Р.Сибатова тарафыннан барлык укучыларның да көндәлекләре тикшерелде һәм директор яны киңәшмәсендә анализ ясалды.

2016 нчы елның 19 нчы октябрь көнендә Актаныш муниципаль районы Пучы урта гомуми белем бирү мәктәбендә “Бәлигъ булмаган балаларның асоциаль тәртипләрен профилактикалау сораулары буенча ведомствоара йогынтысы: проблемалар, эзләнүләр, табышлар темасы астында тәрбия эшләре буенча директор урынбасарларының ведомствоара семинар –практикумы булып узды. Бу эшлекле семинар-практикумда район башкарма комитеты җитәкчесенең социаль мәсьәләләр буенча урынбасары Дилбәр Әнвәрова, тәрбия эшләре буенча директор урынбасарлары, психологлар, социаль педагоглар, ведомство вәкилләре, районыбыз методистлары катнаштылар.

Югары Яхшый мәктәбендә китап укучылар конференциясе узды. Бу чара, бүген 60 яшен бәйрәм итүче Нәбирә Гыйматдинова иҗатына багышланды.

Китапханәче Сәйфуллина Л.Т. авторның тормыш юлы, иҗаты турында сөйләде. Татар теле укытучысы З.Ә.Зигангирова Н.Гыйматдинованың  иҗатын презентациядә чагылдырды. Педагог-оештыручы Г.Ә.Ахмадеева интеллектуаль уен уздырды. Укучылар актив катнаштылар

Бүген, ягъни 19 нчы октябрь көнне Актаныш муниципаль районы мәгариф бүлеге планы нигезендә Такталачык төп гомуми белем бирү мәктәбендә 5-6 нчы класс укучылары арасында “Математик карусель” үтте. Өчәр укучыдан торган команда  үзләренең көчләрен логик математик мәсьәләләр чишүдә сынадылар. Барлыгы район күләмендә урта һәм  төп гомуми белем бирү мәктәпләреннән 33 команда катнашты. Укучылар 20 мәсьәләдән торган биремнәрне чишкән арада Такталачык төп гомуми белем бирү мәктәбенең I квалификацион категорияле математика укытучысы Гыйльфанова Алсу Мәхиян кызы 9 нчы класс укучылары белән “Дәрестә тематик контроль, шулай ук төп дәүләт имтиханнары биремнәре нигезендә практик эшләр” дигән темага мастер класс тәкъдим итте.

Югары Яхшый мәктәбендә “ Алтын көз” дип исемләнгән башлангыч класслар атналыгы бара. Беренче көнне “ Көз! Көз! Бәхетле көннәр!” исеме астында рәсем конкурсы узды. Икенче көнендә “ Сөмбелә” бәйрәме узды. Бу кичәдә  әти- әниләр дә катнашты. Мәктәп директоры А.С.Амиров бәйрәм белән котлады.Башлангыч класс укучылары җыр, бию, нәфис сүз  буенча үзләренең осталыкларын күрсәттеләр. Әти-әниләр,  бәйрәмне оештырган укытучылар Д.Ф. Нәбиуллинага һәм С. Р. Шайхуллинага  рәхмәтләрен җиткерделәр. Атнаның киләсе көннәрендә “ Көзге яфрак сәяхәте” дигән пьеса күрсәтәчәкләр. Шәҗәрә конкурсы булачак.

Мәктәптә өмә өештырылды. Укучылар мәктәпнең тирә - янын чүпләрдән чистарттылар, корган ботакларны чыгардылар. Барлык укучыларда  өмәдә актив катнаштылар.

Набиуллина Д.Ф. учитель начальных классов, 22 сентября 2016 г. приняла участие в семинаре "Основные направления ФГОС начального общего образования. Планируемые результаты обучения, новая система оценивания и диагностика учебной деятельности младших школьников", проходившем в г. Елабуга.