Актанышта укытучылар бәйрәме үтте. Әлеге чарага Татарстанның һәм Башкортстанның атказанган артисты Айдар Галимов та чакырылган иде. Укытучы көне-үзенчәлекле җылы бәйрәм. Чөнки аны мәктәп бусагасын атлап кергән һәркем билгеләп үтә. Шул уңайдан, 3 октябрь көнне Актаныш бүләк базасында бик матур чара булды.Ул үзенчәлекле башланып китте. Ничәмә-ничә еллар балаларга белем бирүдә хезмәт куйган ветеран укытучыларны искә алу бәйрәмне тулыландырып, баетып җибәрде.Укытучылар бәйрәмен башлап, район башлыгы Энгель Фәттахов педагогларны  һөнәри бәйрәмнәре белән котлап, киләчәк эшләрендә уңышлар теләде. Әлеге чарада һөнәри бәйгеләрдә югары күрсәткечләргә ирешкән мәгариф хезмәткәрләренә бәйрәм сәхнәсеннән тәбрик сүзләре яңгырады. Мәктәбебезнең инглиз теле укытучысы Гайсина Лилия Фәнил кызы Актаныш муниципаль районы Башлыгының Рәхмәт хаты белән бүләкләнде.