13 апрель көнне, 1-9 классларда ата-аналар җыелышлары узды. Һәр сыйныфта класс җитәкчеләре тарафыннан тематик чыгышлар ясалды, фән укытучыларының 3 чирек нәтиҗәләре буенча фикер-тәкъдимнәре, Бөтенрәсәй тикшерү эшләре(ВПР) башкаруда игътибар итәргә кирәкле мәгълүматлар тыңланды. 1 сыйныфта  "Компьютер дусмы, дошманмы?", 2  сыйныфта "Гаиләдә хезмәт тәрбиясе", 3 сыйныфта "Бала белән өйдә ничек шөгыльләнергә?", 4 сыйныфта "Бала язмышы безнең кулларда ", 5 сыйныфта "Гаилә тормышында заманча технологияләр йогынтысы", 6 сыйныфта "Яшүсмерләрнең үзбәясе", 7 сыйныфта "Бала һәм компьютер, телефон", 8 сыйныфта "Баланың укуга мөнәсәбәте", 9 сыйныфта "Имтиханга әзерләнгәндә балага ничек ярдәм итәргә?" темалары буенча әңгәмә оештырылды. Шулай ук арадаш аттестация тәртибе, мәктәп формасы, дәресләргә йөрү, куркынычсызлык кагыйдәләре турында сөйләшенде, тәрбия юнәлешендә "Путь к успеху" программасы буенча ата-аналардан анкеталар алынды. Ата-аналар җыелышы эшлекле һәм нәтиҗәле үтте.