Муниципальное бюджетное общеобразовательное учреждение «Такталачукская основная общеобразовательная школа» Актанышского муниципального района Республики Татарстан/Татарстан Республикасы Актаныш муниципаль районы "Такталачык төп гомуми белем бирү мәктәбе" гомуми белем бирү муниципаль бюджет учреждениесе
Визитная карточка
Адрес: | 423751, РТ, Актанышский район, с. Такталачук, ул. Школьная, д. 26 |
Телефон: | |
E-Mail: | Stak.akt@tatar.ru |
Министерство: | Министерство образования и науки Республики Татарстан |
Короткое название: | МБОУ "Такталачукская ООШ" |
Руководитель: | Хазиев Алмаз Саяпович |
Год основания учреждения: | 1991 |
У нас учатся: | 50 учащихся |
У нас учат: | 11 педагогов |
Муниципальное бюджетное общеобразовательное учреждение «Такталачукская основная общеобразовательная школа» Актанышского муниципального района Республики Татарстан/Татарстан Республикасы Актаныш муниципаль районы "Такталачык төп гомуми белем бирү мәктәбе" гомуми белем бирү муниципаль бюджет учреждениесе - новости
Страницы: << 131 132 ( 133 ) 134 135 136 137 138 139 140 >>
-
Асфальтта рәсемнәр
10.05.2018
Башлангыч сыйныф укучылары 9 май - Җиңү көненә багышланган "Асфальтта рәсемнәр" акциясенә теләп кушылды. Төсле акбурлар ярдәмендә алар тынычлык, иминлек, кояшлы балачак илен рәсем итеп ясадылар.
Фоторепортаж
-
Кирәкми безгә кан кою, Кирәкми безгә сугыш! Безнең теләк якты, матур, Тыныч хезмәт һәм тормыш
08.05.2018
Бөек Җиңүнең 73 еллыгы уңаеннан оештырылган тантаналы митингта авыл халкы, тыл һәм хезмәт ветераннары, төп гомуми белем бирү мәктәбе һәм интернат-мәктәп укучылары, укытучылар, кайткан кунаклар катнашты. «Үлемсез полк» акциясе – 9 май бәйрәменең тагын бер күркәм традицияләренең берсе. Халык сугышта катнашкан, яу кырында ятып калган туганнарының истәлекле фотосурәтләре белән урамга чыга. Бәйрәм чарасын авыл халкы да "Үлемсез полк" акциясе белән башлап җибәрде. Район мәгариф бүлеге җитәкчесе Вахитов Илшат Рәфит улы, авыл җирлеге башлыгы Рәдис Мирзануров, авыл имамы Шәфигулла хәзрәт, отставкадагы офицер, хезмәт ветераны, мәгариф отличнигы Яркәев Альберт Барый улы авыл халкын бәйрәм котлады. Яуда ятып калганнар бер минут тынлык белән искә алынды, Билгесез солдат һәйкәленә чәчәкләр салынды. Бәйрәм тантанасы балаларның шигырь, биюләре белән аралашып барды, укучылар үзләре әзерләгән бүләкләрен ветераннарга тапшырды. Чара күмәкләп истәлеккә фотога төшү белән тәмамланды.
-
Җиңү килде җирне нурга күмеп
07.05.2018
9 нчы Май Җиңү көне буларак билгеләп үтелә.Тик шулай да, күпме еллар узса да, халык хәтерендә Бөек Ватан сугышы иң авыр, иң дәһшәтле сугыш буларак сакланыр һәм халкыбызның кылган батырлыклары һәрвакыт хөрмәт һәм соклану белән искә алыныр. Бу уңайдан 6 сыйныфта "Искә алабыз ул көннәрне", 5 сыйныфта "Батырларның даны мәңгелек" исеме астында класс сәгатьләре узды.
-
Язучылар белән очрашу
04.05.2018
4 май көнне мәктәпнең актлар залында авылдашыбыз, шагыйрь Ленар Шәехнең иҗатына багышланган кичә оештырылды. Чарада шагыйрь үзе,әти-әнисе, туганнары, гаилә дуслары, каләмдәш дусты Рифат Сәлах, "Агыйдел дулкыннары" иҗади берләшмәсе әгъзалары: Рәмзия Әхмәтова, Фәнәвис Дәүләтбаев, Роберт Сәлахиев, район үзәк китапханәсе җитәкчесе Шәмсунова Ландыш Җәүдәт кызы, укытучылар, укучылар катнашты. Кичә Такталачык авылыннан чыккан күренекле әдип Гамил Афзалның язмышына багышланган видеосюжет белән башланып китте. Бу һич тә очраклы түгел, чөнки якташыбыз иҗаты Ленар Шәехкә шигърият иленә керүгә зур этәргеч бирә. Чара барышында Л.Шәехнең әнисе Лениза апа, гаилә дуслары, язучы-шагыйрьләр, укучылар чыгыш ясап, яшь әдипнең шигырьләрен укыдылар, үзләренең тәүге иҗат җимешләре белән таныштырдылар. Кичә эчтәлекле һәм кызыклы үтте, аны авыл китапханәчесе Д.Ш.Гайсина алып барды. Л.Шәех үзе дә сәхнәдән шигырьләрен укыды, авыл һәм мәктәп китапханәсенә китаплар бүләк итте. Чара күмәкләп истәлеккә фотога төшү белән тәмамланды.
-
«Поделки из камней»
04.05.2018
«Геология» фәне буенча «Поделки из камней» конкурсы булып узды. Безнең мәктәп укучылары да бу конкурстан читтә калмады. 7 нче класс укучысы Хаҗиева Алисә III урынга ия булды. Аны зур җиңүе белән котлыйбыз. (Җитәкчесе: Хаҗиева Н.Х.)
-
Һәйкәл янын чистарту
03.05.2018
9 май - Җиңү көне якынлаша. Укучылар бәйрәмгә әзерлек чараларын башлап җибәрделәр. 3 май көнне 8 класс укучылары һәйкәл янын чистартып кайттылар.
-
Авыл көне уңаеннан оештырылган чараларда катнашу
03.05.2018
30 апрель көнне мәктәпнең актлар залында Такталачык авыл җирлеге, авыл мәдәният йорты, мәктәп белән берлектә "Авыл көне" уздырылды. Чарада җирлегебездән чыккан күренекле шәхесләр, аларның балалары, оныклары, туганнары, җирлек тормышын яхшыртуга үз өлешен керткән һөнәр ияләре катнашты. Оста куллар тудырган иҗади хезмәтләр, кул эшләре күргәзмәләре беркемне дә битараф калдырмады. "Авыл көне" җирлек тарихы сәхифәләре,истәлекләр, концерт номерлары белән чиратлашып барды, музейда укучылар чыгышы оештырылды. Җырга-моңга сусаган авыл халкына мәктәбебезнең хатын-кызлар вокаль ансамбле үз җырын бүләк итте,тәрбия эшләре буенча директор урынбасары Р.Р.Гайсин гармунда уйнап, мәгариф ветераны, озак еллар мәктәп директоры булып хезмәт куйган лаеклы ялдагы укытучы К.Б.Фәйрушин җырлап, көчле тавышы белән залны үзенә каратты. Сәхнәгә күтәрелгән һәркем истәлек-хәтирәләрен уртаклашты. Чараны авыл китапханәчесе Д.Ш.Гайсина алып барды.
-
Театр яктылыкка, нурга илтә...
29.04.2018
Халыкка дәрсе гыйбрәттер - театр,
Күңелдә йоклаган дәртне уятыр.
Театр — яктылыкка, нурга илтә,
Кире юлга җибәрми, уңга илтә.
Театр көлдерәдер, уйнатадыр,
Тагы үткән гомерне уйлатадыр.
Күрерсең анда үз хәлең, көләрсең —
Көләрлек булса, булмаса — еларсың.
Күрерсең тормышың нинди: җитешме?
Җитеш булмаса, кай җире җитешми?
Төзәтерсең шуны, тәкмил итәрсең, —
Шулай шактый белем тәхсил итәрсең.дип язган бөек шагыйребез Г.Тукай. Аның тууына 132 ел тулу уңаеннан оештырылган чараларның берсе - 8-9 сыйныф укучылары тарафыннан әзерләнгән (җитәкчесе Фазылов А.М.) "Беренче театр" пьесасын сәхнәләштерү булды. Укучылар теләп һәм чын актерларча башкарып чыккан эпизод ата-аналар, укучылар һәм укытучылар күңеленә хуш килде.
-
Шигырь укучылар бәйгесе
29.04.2018
Район мәгариф бүлеге планы нигезендә күпкырлы сәләтле, зыялы татар балаларын барлау, аларны үз яшьтәшләре арасында республикакүләм таныту, татар шигъриятенә мәхәббәт тәрбияләү максатыннан, 25 нче апрель көнне “Г.Тукай исемендәге шигырь укучылар” бәйгесенең район этабы үткәрелде. Безнең мәктәптән дә әлеге бәйгедә укучылар теләп катнашты.
-
Гомуми ата-аналар җыелышы
29.04.2018
28 апрель көнне мәктәпнең актлар залында "2017-2018 нче уку елына мәктәп эшчәнлегенә анализ" темасы астында гомуми ата-аналар җыелышы узды. Җыелыш барышында мәктәп директоры А.Ш.Рахманов, башлангыч сыйныф укытучыларының методик берләшмәсе җитәкчесе А.Ф.Исламова, гуманитар фәннәр укытучыларының методик берләшмәсе җитәкчесе Л.Ф.Гайсина, төгәл фәннәр укытучыларының методик берләшмәсе җитәкчесе А.М.Гыйльфанова, сыйныф җитәкчеләренең методик берләшмәсе җитәкчесе З.Ф.Шәемова чыгыш ясадылар. Уку елы дәвамында мәктәп һәм район тормышында актив катнашкан, уку, сәнгать, спорт юнәлешендә яхшы күрсәткечләргә ирешкән укучылар мактау грамоталары белән бүләкләнделәр. Җыелыш укучылар тарафыннан әзерләнгән концерт белән тәмамланды.