26 апрель-татар халык шагыйре Габдулла Тукайның туган көне. Быел аның тууына 140 ел. Шул уңайдан мәктәбебездә зур бәйрәм чарасы үтте. Кичәдә Тукайның шигырьләре, җырлары яңгырады. Бәйрәмдә лаеклы ялдагы ветеран укытучыбыз, шагыйрә Рәмзия апа Әхмәтова катнашты. Ул балаларны узенең бала чагы, иҗат юлы белән таныштырды, Тукайга багышланган шигырьләрен сөйләде. Рәмзия Әхмәтова сүзләре, М. Минһаҗев көенә укытучы-тәрбиячеләр башкарган "Умырзая" җыры һәркем күңеленә хуш килде. Барлык класс укучылары Г. Тукайның шигырьләре, әкиятләре буенча театраль күренешләр әзерләп уңышлы чыгыш ясадылар Кичәне татар теле һәм әдәбияты укытучысы Гыйбадуллина Зөлфия Мирзамөхәммәт кызы әзерләде, Тукай шигырьләрен яттан сөйләп матур итеп алып барды. Мәктәп директоры Наилә Хаҗимәрдән кызы бәйрәмнең югары дәрәҗәдә әзерлекле үтүен билгеләп, бәйрәм кунагы Рәмзия апага, укытучы-тәрбиячеләргә, класс җитәкчеләренә, балаларга зур рәхмәтен җиткерде. Кичә татар гимнына әверелгән Туган тел җырын башкару белән тәмамланды.