20 апрель көнне башлангыч класс укытучылары "Кичке уен" исемле фольклор кичәсе үткәрде. Кичке уеннар элек-электән татар халкының иң матур, иң күркәм йолаларыннан саналган. Җәйге матур кичләрдә, кояш баткач, картлар яткач, су буйлары, урман аланнары, ямь-яшел болыннар яшьләрнең шат авазларына күмелгән. Кичке уеннарда җыр-бию, уен-көлке бер генә минутка да тынып тормаган. Анда җырлы-биюле түгәрәк уеннары уйнаганнар, такмаклар әйтешкәннәр. Кичәнең максатлары: 1)Балаларның җырлы-моңлы , биюле уеннары аша гасырлар буенча үткәрелгән татар халык йола бәйрәмнәрен саклап калу; 2) Киләчәк буынны милли традицияләр нигезендә тәрбияләү; 3) Уен барышында җанлы диалог, һәртөрле сөйләшләр, көлке, җор сүз, импровизация аша балаларның сөйләм телен үстерү, логик фикерләвен арттыру;