Башлангыч сыйныфлар атналыгы кысаларында буген, ягъни 28 нче апрель көнне “Карга боткасы”утте.Башлангыч сыйныф укытучылары Ф. М.Габдуллина һәм Ә.Г.Нәбиева борынгы йола турында сөйләделәр. Балалар белән татар халкының "Йөзек салыш" ,"Кулъяулык","Капкалы", "Кәрия - Зәкәрия" уеннарын уйнадылар.Музыкаль өлешне музыка укытучысы З. М. Гибадуллина алып барды. Йомгак ясап шуны әйтәсе килә: борынгыдан килгән йолаларыбыз инде онытыла, юкка чыга баралар.Ул хәзинәләрнең күпчелек өлешен без бары тик халыкның үзеннән өйрәнеп, тел осталарын һәм йола белгечләрен сөйләтеп кенә белә алабыз. Шул вакытта гына безнең милли йөзебез, гореф-гадәтләребез, йолаларыбыз сакланачак.

2023ел -Татарстанда милли мәдәниятләр һәм гореф-гадәтләр елы булу уңаеннан мәктәбебездә бик күп чаралар үтә. Бүген татар теле һәм әдәбияты укытучысы З.М.Гыйбадуллина җитәкчелегендә туган телне сөюче укучылар "Әбиләрдә кунакта" исемле сәхнә хезмәте күрсәттеләр, рольләрен бик оста башкардылар. Афәрин!

Башлангыч класслар атналыгы кысаларында физкультура укытучысы Тазиев Х.Х. саф һавада хәрәкәтле уеннар оештырды.

27нче апрель көнне Ю.И.Мансурова 6-7 нче класс укучылары белән логопедиядән ачык дәрес үткәрде. Әлеге дәрестә укучылар 7 ел буена логопедия дәресләрендә алган белем- күнекмәләренә йомгак һәм нәтиҗә ясарга мөмкинлек бирүче логопедик уеннар уйнадылар. Җәмгыятьтә кешеләр арасында, бер- берең белән аралашканда фикереңне ачык, төгәл, дөрес һәм матур итеп җиткерү өчен сөйләмең анлаешлы, авазлар дөрес әйтелергә тиешлегенә тагын бер кат инандылар. Кулланылган видеоөземтә, һәр укучыга аерым әзерләнгән биремнәр, үзенчәлекле физминут дәресне тагын да кызыклырак, җанлырак итте.

25 енче апрель көнне,башлангыч сыйныфлар атналыгы кысаларында, укытучылар Ә.Г.Нәбиева, Ф.М. Габдуллина тарафыннан "Әкиятләр кичәсе" үткэрелде. Кичә барышында укучылар белән "Шалкан" әкияте сәхнәлэштерелде, викторина сорауларына җаваплар табылды, әкият сөйләүчеләр үзара көч сынашты. "Әкиятләр кичәсе" балаларга бик ошады.

Мәктәптә башлангыч сыйныфлар атналыгы дәвам итә. Бүген укытучы Ф.М.Габдуллина "Табышмаклар кичәсе" үткәрде. Кичәдә балалар ике командага бүленеп ярыштылар: табышмакларга җавап эзләделәр, кроссвордлар чиштеләр,бер - берсенә табышмаклар әйттеләр. Чара бик күңелле үтте.

Бүген – 24 апрель көнне атналык дүшәмбе линейкасы дәүләт флагларын кертүдән башланды. Директорның тәрбия эшләре буенча урынбасары Ләйлә Финарис кызы Галиева атна дәвамында эшләнәсе эшләргә, чараларга тукталды.

24-28 апрель көннәрендә Такталачык мәктәп - интернатында башлангыч сыйныфлар атналыгы үткәрелә. Башлангыч класс укытучылары методик берләшмәсе җитәкчесе Ә.Г.Нәбиева атналыкның планы белән таныштырды.