31 май көнне 2016 - 2017 уку елына йомгак ясалды, билгеләр аңлатылды. Балалар җәйге каникул айларында үтәлергә тиешле куркынычсызлык кагыйдәләре белән танышып, дару үләннәрен җыю турында мәгълүмат алып, өч айга каникулга таралыштылар. Күңелле, файдалы, имин яллар сезгә, укучылар!

 Бүген педагогик киңәшмә уздырылды. Укучыларны алдагы класска күчерү турында класс җитәкчеләренең һәм фән ияләренең  чыгышлары тыңланды. Җәйгә бурычлар билгеләнде.

Бүген укучылар  рус  теле фәне буенча ОГЭ бирәләр .Аларга  уңышлар телибез!

 Башлангыч сыйныф укучылары уку елын төгәлләп, табигатькә  экскурсиягә чыктылар, язгы табигатьтәге үзгәрешләрне күзәттеләр. 

Бүген мәктәптә Спорт бәйрәме үткәрелде. Укучылар, ата-аналар һәм укытучылардан торган командалар йөгерүдә,озынлыкка сикерүдә, бадминтон,ату, кул көрәшендә һәм аркан тартышуда көч сынаштылар. Һәр спорт төрендә җиңүчеләр билгеләнде һәм грамота белән бүләкләнделәр.

Бүген чыгарылыш класс укучылары өчен Соңгы кыңгырау чыңлады.Бәйрәм тантанасында район вәкиле Шаяхметова Г.Ф., авыл җирлеге башлыгы Нуриев Р.М., "Чиялек" хуҗалыгы җитәкчесе,мәктәп директоры, ата-аналар катнашты һәм 9 класс укучыларына үзләренең иң  изге теләкләрен җиткерделәр.

16-18  май көннәрендә Иске Байсар урманында уздырылган  турслетта  укучылар командасы стенгазета чыгару буенча икенче, үзэшчән сәнгатьтә беренче урын алдылар.  Җитәкче Нургалиев И.И.

Районда узган Республикакүләм Гамил Афзалга багышланган педагогик укуларда башлангыч класс  укытучысы Мохтарова Ә.А.үзенең иҗат эше белән катнашып уңышлы чыгыш ясады.

5 нче класс укучысы Кашапов Салават   укучылар өчен  республикакүләм Гамил Афзал исемендәге иҗат фестивалең “Гамил Афзал иҗаты-рәсем сәнгатендә” номинациясендә  катнашып, лауреат дипломы белән,  9 нчы класс укучысы Шаймухаметова Рүзинә “Гамил Афзал шигырьләренә пародия” номинациясендә катнашып, 3 нче дәрәҗә диплом һәм 1000 сумлык сертификат белән  бүләкләнде. Укытучы Ф.Г.Гаянова

12 май көнне  районда  "Куркынычсыз  тәгәрмәч" конкурсы узды.  Әлеге  ярышта Гайнетдинова Л., Сабирова С., Кашапов С., Варин В. катнаштылар һәм уңышлы  чыгыш ясадылар.