Бүген башлангыч класс укучылары арасында инглиз телендә сәхнәләштерелгән “ABC Show” конкурсы булып узды. Бу конкурста безнең мәктәп укучылары сәхнәләштергән әкият бик эчтәлекле һәм конкурс таләпләренә туры килеп II урынны яулады. Укучыларга һәм җитәкчеләре И. Д. Хузинага киләчәктә дә чит телне үзләштерүдә яңа үрләр яулавын, тагын шушындый матур әкиятләр сәхнәләштерүен телибез. 

Бүген районда “Йолдызлык - 2016” ның гала концерты          булды. “Конферанс” номинациясендә

II дәрәҗә лауреат исеме алган Фәйрушин Рәсүл, “Хореаграфия-соло” номинациясенең кечкенәләр төркемендә Галиева Зәлия III дәрәҗә лауреат, шулай ук  “Хореаграфия-соло” номинациясенең уртанчылар төркемендә катнашып II дәрәҗә лауреат исеме алган Галиева Зәринә бүләкләнде. Җиңүчеләребезгә мәктәп данын яклаулары өчен зур рәхмәт. Киләчәктә дә  аларга зур уңышлар телибез!!!

“...Тукай теле, татар теле

    Булыр гел исән, тере!”- дип исемләнгән тема астында китапханәчебез Мадиярова Гөлназ Фәйзелгыйлем кызы балаларга бик эчтәлекле китапханә сәгате үткәрде.

Бүген безнең спортсмен кызларыбыз: Хуҗина Лилия, Ибрагимова Регина, Аминова Алсу, Насипова Алия, Гыйлманова Рәмзилә, Шарафутдинова Элмира, Галимова Гүзәл, Абышева Алия, Мифтахова Рузиләләр Мансуров Рузил Касыйм улы җитәкчелегендә районыбыз данын яклап Республика күләм спартакиадада волейбол буенча Сарманда үзләренең көчләрен сынадылар һәм уңышлы гына чыгыш ясадылар. Аларга киләчәктә дә уңышлар һәм сәламәтлек телик!

Мәктәбебездә “Безнең кадерле ветеран” Республика хәйрия акциясе кысаларында оештырылган кул эшләре конкурсына нәтиҗә ясалды. Газетдинов Гадел, Газетдинов Айназ, Идрисова Сабина, Нафиков Айгиз, Аюпов Җәлил, Шарафутдинов Айзат, Азгамов Аяз, Габдрахманов Алфред, Гыйлманов Илмирларның кул эшләре иң яхшылары дип табылды һәм районга җибәрелде.

Бүген мәктәбебездә Ватанны саклаучылар көненә карата “Ягез әле, егетләр!” кичәсе булды. Монда 3 команда катнашты һәм төрле конкурсларда үзләрен сынадылар. “Динамит”командасы-1 урынны, “Комета” командасы-2 урынны, “Звезда”- командасы -3 урынны яулады.

Бүген, ягъни 23 нче февраль көнне, Актанышта төрле предприятиеләр, оешмалар, мәктәпләр арасында Дәүләт депутаты И.И. Гильметдинов призына чаңгы ярышы булып узды.Монда укытучыларыбыз командасы катнашты. Алдагы ярышларда да аларга уңышлар телик. 

Бүген, ягъни 22 нче февраль көнне, Актанышта кышкы спартакиада булып узды. Спартакиадада безнең мәктәпнең укучылар командасы төрле ярышларда үз көчен сынады һәм уңышлы гына чыгыш ясады. Алдагы ярышларда да спортсменнарыбызга уңышлар телик.

Бүген, ягъни 20 февраль көнне, җирлегебездә РСФСР ның атказанган табибәсе Зифа Гаязовна истәлегенә чаңгы ярышы булып узды. Ярышта барлык укучылар да, кунаклар да, өлкәннәр дә бик актив катнашты.

Искә алу өчен Зифа Гаязовнаның балалары килгән иде һәм алар катнашкан бар укучыга да бүләк тапшырдылар.

Вафатына күп еллар үткән булса да, авылыбызның хөрмәтле табибәсе һәрвакыт безнең күңелләрдә.

Кичә Мамадыш шәһәренең 3 санлы урта мәктәбендә укытучыларның республикакүләм Ризаэддин Фәхерддин укулары булып узды. Анда мәктәбебезнең тарих укытучысы Г.Г.Фәйрушина катнашып, чыгыш ясады.