“Без экстремизмга каршы” айлыгы кысаларында мәктәбебездә линейка һәм тәрбия сәгатьләре узды. Укучыларга терроризм һәм экстремизм турында сөйләнде, презентацияләр  күрсәтелде. Бесланда һәм башка җирләрдә террор актлары нәтиҗәсендә вафат булганнар  бер минутлык тынлык белән искә алынды.

Ата – аналардан балаларның психологлар белән очрашуына каршы булмауларын раслап имзалар алынды. Ни өчен икәнлеге укучыларга һәм ата-аналарга аңлатылды. 

Мәктәбебездә укучылар үзидарәсенә сайлаулар үтте. Комитетта президент итеп Аюпов Шамил, мәгариф министры итеп Галимова Камилә, мәдәният министры Галиуллина Гөлназар, спорт министры Марданов Азат һәм хезмәт министры Гардиева Сөмбелләр сайланды.  Аларга укуда, спортта, сәнгатьтә уңышлар телибез.

“Кояшкай”  ял һәм сәламәтләндерү  лагерендә балаларга вожатый апалары  көн саен төрле-төрле бәйгеләр уздыралар. Бүген алар авылыбыздагы кәҗә фермасына сәяхәт кылдылар. Авылыбыз, авылыбызның фермерлары турында сөйләштеләр. 

Бүген балалар өчен “Күңелле стартлар” ярышы уздырылды. Яланда балалар рәхәтләнеп ярыштылар, күңел ачтылар. Төрле, кызыклы сорауларга җаваплар бирделәр. Иң истә калганы вело узышлар булды, чөнки һәр бала да велосипед белән бик яхшы идарә итә алуын күрсәтте.

Бүген лагерьда “Иң оста рәсем ясаучы” конкурсы үткәрелде. Балалар үзләренең осталыкларын ташка рәсем ясап исбатладылар. Ә иң яхшы рәсем ясаучыларга истәлекле бүләкләр тапшырылды  

Бүген, ягъни 14 нче июнь көнне, “Кояшкай” ял һәм сәламәтләндерү лагеренда ял итүче балалар район үзәгенә сәяхәткә бардылар. Актанышта алар төрле истәлекле урыннарда булдылар. Бигрәк тә районыбыздагы  музей балаларга бик ошады.

Бүген, ягъни 9 нчы июнь көнне, 9 нчы сыйныф укучылары физика һәм биология фәненнән ОГЭ эшләделәр. Уңышлар сезгә укучылар!!!

“Кояшкай”  ял һәм сәламәтләндерү  лагерендә балаларга вожатый апалары  көн саен төрлле-төрле бәйгеләр уздыралар. Бүгенге көн  “Әкиятләр иленә сәяхәт” дип атала. Командалар бер-берсе белән ярышып, әкиятләр сөйләделәр, сәхнәләштереп күрсәттеләр. Балаларга мондый конкурслар бик ошый, алар бик теләп ял итәләр, үзләренең осталыкларын күрсәтәләр.

1 июньнән мәктәбебездә “Кояшкай” исемле ял һәм сәламәтләндерү  лагере эшләп килә. Монда балалар бик теләп ял итәләр. Вожатыйлар балалар өчен көн саен төрле конкурслар, бәйгеләр уздыралар.Повар апалары көн дә тәмле ризыклар белән сыйлыйлар. Ял һәм сәламәтләндерү лагеренда балаларга бик рәхәт!!!