20 апрель көнне Юрий Гагарин исемендәге балалар оешмасы эзтабарлары һәм варислары  өлкәннәрнең өйләренә барып, үзләренең матур җырларын бүләк иттеләр. 

Бүген, ягъни 20 нче апрель көнне, тарих һәм әдәбият фәннәреннән 6 нчы сыйныф укучылары “Китапка ничә яшь?”, “Бөек Карл”, “Сәфәр авылы тарихы”, “Һ.Такташ” темаларына проектлар якладылар. Һәрбер фәнни эш эчтәлеге һәм эшләнеше буенча  тулы һәм аңлаешлы булды.

   Атналык кысаларында 18 апрель көнне 5 нче сыйныф укучылары белән “Кызыклы грамматика” (татар теленнән), ә 6 нчы сыйныфта “Тапкырлар һәм зирәкләр” (тарих фәненнән) уен-бәйгеләре үткәрелде. Ике команда арасыннан “Яшь тарихчылар” командасы җиңү яулады. Татар телен иң яхшы белүче булып Марданова Илина танылды

"Язгы мәрхәмәтлелек атнасы" кысаларында 17.04 көнне  өлкәннәргә ярдәм итү максатыннан һәр отряд шефлыкка барды.

“Язгы изгелек” атналыгы кысаларында башлангыч сыйныф  укучылары да актив катнаша. Бүген алар авылыбыз музеенда экскурсиядә булдылар.

Халкыбызның гражданлык активлыгын үстерү максатыннан, 17 апрельдән 25 апрельгә кадәр Татарстан Республикасында “Язгы мәрхәмәтлелек атнасы” акциясе уздырыла. Бу уңайдан безнең мәктәптә дә бик күп чаралар планлаштырылган. Акциягә мәктәбебез укучылары бик теләп кушылды. 6нчы класс укучылары, класс җитәкчеләре Закирова Ландыш Җәүдәт кызы белән берлектә, өлкәннәргә ярдәм иттеләр.

   Юрий Гагарин исемендәге балалар оешмасы "Һәркөнне изгелек кыл!" девизы белән республикакүләм "Язгы мәрхәмәтлелек атнасы" акциясенә кушылды. Планда сугыш һәм тыл ветераннарына, ялгыз яшәүче өлкәннәргә ярдәм итү, аларга хәйрия концертлары, авылыбыз музеена күзәтү, экологик экскурсияләр, өмәләрдә катнашу каралган. 

14 апрель көнне “Яшьлек” мәдәният үзәгендә ата-аналар комитетының “Дус класс серләре” республика конкурсының муниципаль этабы үткәрелде. Безнең мәктәптән 8 нче сыйныфның  ата-аналар комитеты уңышлы чыгыш ясадылар.

12 нче апрель-космонавтика көне. Шул уңайдан 8 нче класс укучылары белән “ Космосны буйсындыру” дип исемләнгән класс сәгате үткәрелде. Класс җитәкчесе Илнар Шәйхенурович космосны үзләштерү тарихы, легендар космонавтлар турында сөйләде, кызыклы һәм мавыктыргыч видеоролик күрсәтте.

12 нче апрель көнне 4 нче сыйныф укытучысы Гилмуллина Гөлфия Тимерхан кызы  балалар бакчасында кунакта булды. Ул 1 сыйныфка керәсе балалар белән очрашты һәм математика дәресе тыңлады.