Хөрмәтле егетләр, ир-атлар, әтиләр!

23 февраль — Ватанны саклаучылар коне – батырлык, намус hәм кыюлык көне белән ихластан котлыйбыз сезне. Бу бәйрәм көчле рухлылык, ир-егетлəрнең кыюлык, намус һəм абруй шикелле сыйфатларга ия булуларын тагын бер кат раслый торган бәйрәм. Туган илгә һəм үз халкыңа хезмəт итү ул, туган илен чын күңелдән сөюче гражданнарның һәрчак иң югары максаты булды һəм шулай ук булып калса иде. Хəрби хезмəткəрлəрнең бүгенге көндәге буыны һəм Ватанны саклаучылар сафын тулыландырырга əзерлəнүчелəр, илебезнең иминлеге, туганнары һəм якыннарының гомере өчен җаваплылык хисен онытмасыннар иде. Бәйрәм белән!

С 2 апреля по 25 апреля в школе состоятся всероссийские проверочные работы и национальные исследования качества образования по математике, русскому языку, английскому языку, географии, истории, химии, биологии и обществознанию для учащихся  5, 6, 7  классов.

Йолдызлык фестивалендә катнашучы балалар тагын бер баскычка күтәрелделәр. 18-19 нчы февраль көннәрендә укучылар район сәхнәсендә дә чыгыш ясадылар. Фестиваль хәрәкәте тырышлыгы белән авыл жирлегендә яшәүче йөзләгән сәләтле балада үзләренә ышаныч уянды - алар зур сәхнәгә чыктылар. Безнең укучыларыбыз ялгыз жыр, күмәк бию һәм конферанс кебек өч төп номинация буенча чыгышларын тәкъдим иттеләр. Укучыларыбызга һәм аларның остазларына киләчәктә дә иҗади уңышлар теләп калабыз.

21 февраль көнне мәктәптә Ватанны саклаучылар көне уңаеннан әтиләр арасында спорт ярышы уздырылды. Әтиләр 3 командага бүленеп җитезлектә көч сынаштылар. Бәйрәм бик күңелле һәм оешкан төстә узды.

22 февраля на базе МБОУ ООЦ "Буляк" с.Актаныш  состоится пробный экзамен для выпускников 9-х классов  в форме ОГЭ по обществознанию. При себе иметь паспорт, 2 черные гелевые ручки, черновик,сменную обувь. Желаем успехов!

2019 нчы елның 15 нче февралендә - Совет гаскәрләренең Әфганстан җирлегеннән чыгарылуына 30 ел тула. Шул уңайдан 15 нче февраль көнне мәктәбебез укучылары Әфганстан җирендә интернациональ бурычын үтәгән авылдашыбыз Фәррахов Рамил каберенә бардылар, аның турында истәлекләрне барладылар.  Патриотик тәрбия бирү максатыннан уздырылган чаралар алга таба да дәвам итәчәк.

15 нче февраль көнне Тат. Ямалы мәктәбендә "Җәлил рухы һәрчак күңелләрдә" 1 нче районара укучылар конференциясе булып узды. Актаныш, Мөслим, Минзәлә районнарыннан 98 укучы, 66 укытучы катнашты. Безнең мәктәптән 3 класс укучылары Шакирова Резеда, Гимаев Динислам 1 урынны алдылар. Укытучылары Гимаева Инзилә Хамзовна. Котлыйбыз!

13 нче февраль көнне безнең мәктәптә укучыларга хәзерге Россия яшьләре тормышында әһәмиятле халыкара спорт һәм мәдәни вакыйга буларак Бөтендөнья студентлар Уеннары турында системалы күзаллау һәм 2019 елда Красноярск шәһәрендә кышкы Универсиаданы үткәрүнең әһәмияте турында мәгълүмат бирү максатыннан физкультура укытучысы Калимуллина Гөлнара Рафик кызы  “Универсиада дәресе – 2019” үткәрде һәм әлеге чарага теләктәшлек йөзеннән мәктәпкүләм шорт-трек ярышы оештырды. Җиңүче укучылар 3 категориядә бүләкләнделәр. Котлыйбыз!

9 нчы февраль көнне авыл күләмендә "Лыжня России" чарасы үткәрелде. 1 дәрестән соң барлык класс укучылары чаңгы ярышында катнашты. Төрле категория буенча старт бирелде.Соңыннан укытучылар, теләге булган спорт сөючеләр старт алды. Җиңүчеләрне бүләкләүне җирле үзидарә рәисе Кадыйров Рәмис Мөхәммәтхамис улы үз өстенә алды. Чараны Физкультура укытучысы Кәлимуллина Гөлнара Рафик кызы оештырды. Чара бик күңелле үтте.

На интеллектуальной олимпиаде "Без яшь, без сәләтле..." для учащихся 4 класса ученики нашей школы Мирзамахмудов Ильяс и Сибаев Ринат стали призерами! Руководитель: Насирова Г.Р. Поздравляем!!! Желаем дальнейших побед!