13 апреля 2018 года состоялось республиканское родительское интернет-собрание на тему «Можно ли на экзамены идти с удовольствием?» (Об эффективных  методиках подготовки детей и подростков к аттестации знаний). Очередное республиканское родительское интернет-собрание пройдет в формате видеоконференции. Он-лайн трансляция собрания велась на сайте Казанского инновационного университета имени В.Г. Тимирясова

12 апрель көнне мәктәп күләмендә Космонавтика көненә багышланган чара булып узды. Физика-математика укытучылары уздырган әлеге чарада укучыларга Мәскәүнең космонавтика музееннан күренешләр күрсәтеп таныштырылды, укытучы Якупова Сәлимә апа бик кызыклы мәгълүматлар җиткерде, күңелле викторина уздырылды.

13 апрель көнне мәктәптә 6-9 класс укучылары арасында география-биология атналыгы кысаларында география фәне буенча брейнг-ринг бәйгесе уздырылды. Укытучы Әмиров Р.Х. укучылар өчен бик кызыклы сораулар әзерләгән. Укучылар фән буенча белемнәрен сынадылар, төрле конкурсларда катнаштылар. Бәйге экологик презентация карау белән тәмамланды.

Мәктәптә 3 чирек нәтиҗәләренә багышланган педагогик киңәшмә булып үтте. Киңәшмә барышында ата-аналар - укытучы - укучы бәйләнешенә багышланган эшлекле уен уздырылды.

9 - 15 апрель көннәрендә мәктәптә география-биология атналыгы уза. Укытучылар Амиров А.С. һәм Амиров Р.Х.лар укучылар өчен төрле конкурс-викториналар, кичәләр, кызыклы уеннар уздыралар. Табигаткә сак караш, аннан дөрес файдалану һәм саклау турындагы әңгәмәләр дә укучылар өчен бик файдалы.

Мәктәп укучыларның язгы каникуллары да быел шактый үзгә үтте. Ел дәвамында “энә белән кое казып”, алдынгылар сафына күтәрелгән укучылар, аларның мөгаллимнәре үз хезмәтләренә лаеклы бәя алды. Халыкара, Рәсәйкүләм, Республика фән олимпиадаларында җиңү яулаган укучылар, аларны әзерләгән укытучылар район сәхнәсенә күтәрелеп хөрмәтләнде, аларга акчалата бүләкләр тапшырылды.
 
Энгель Фәттахов үзе билгеләп үткәнчә, укучыларны муниципаль дәрәҗәдә шулай хөрмәтләү – киләсе елларга лаеклы алмаш әзерләүгә дә зур стимул булып тора. Педагоглар да укучының сәләтен күреп, аның ирешкән уңышларын барлап, вакытында күтәреп ала белергә бурычлы.
 
“Ныклы система булдырганда гына, зур уңышларга ирешеп була!” – мәгариф өлкәсендә шигарь итеп алырлык бу сүзләрне районның Башкарма комитет җитәкчесе бүген технология техникумында оештырылган тантанада да кабатлады. Һәм бу системаны булдырып, аның нәтиҗәләрен якын киләчәктә күрүне максат та итеп куйды.

Энгель Фәттахов залда утыручыларга бик үзенчәлекле сюрприз да әзерләгән булып чыкты: тантанада 2014 елда “Ел укытучысы” бәйгесе тарихында беренче тапкыр "Россиянең ел укытучысы" исеменә лаек булган Татарстан кызы - Алла Головенькина катнашты. Район күләмендә “Педагогик дебют” номинациясендә җиңү яулаган укытучыларыбызга Россия дәрәҗәсендә хөрмәтләнгән педагог кулыннан рәхмәт хатлары алу бәхете елмайды.

“Ел укытучысы” титулына ия булган чорда Норлат районында балаларга белем биргән Алла Николаевна хәзер Иннополис шәһәрендә “Лицей Иннополис” автоном укыту учреждениесе директоры урынбасары булып хезмәт куя. Актанышта исә ул бүген үз белемнәре белән уртаклашты, мөгаллимнәргә мастер-класс күрсәтте. Шунысы игътибарга лаек, Алла Головенькина районыбыз педагогларының һөнәри үсешен камилләштерү юнәлешендә Актанышның кураторы да булачак. “Алла Николаевна белән турыдан-туры бәйләнеш урнаштырачакбыз,” – дип ышандырды Энгель Нәвап улы.

5 нче апрель көнне, Мөслим районында "Без бергә" республика балалар иҗат фестиваленең зона этабы үтте. Безнең мәктәптән 9 класс укучысы Локманова Гүзәл уңышлы чыгыш ясады.

Безнең мәктәп командасы хоккей буенча төп гомуми белем бирү мәктәпләре арасында мактаулы 3 урынны яулады. Хоккейчы егетләребезне котлыйбыз!