Бүген мәктәбебез директоры Мансуров Альберт Мирхәт улы II чирекне "5" билгеләренә генә тәмамлаган укучыларыбызны тәбрик итте. Шулай ук мәктәп тормышында актив катнашкан укучыларга рәхмәт хаты тапшырды.

9-11 сыйныф укучыларының да Яңа ел бәйрәме узды. Укучылар җыр-биюдә, уен-көлкедә көч сынаштылар һәм 
9т сыйныфы - 1 урынны, 
11 сыйныф - 2 урынны, 
9б сыйныфы - 3 урынны, 
9а сыйныфы - 4 урынны яулады. 
Котлыйбыз!
Бәйрәмне оештырган 10 сыйныф укучыларына рәхмәтебезне белдерәбез!

       Район күләмендә үткәрелгән "Говорим и поем по-английски" конкурсында чыгыш ясап, Әҗәкүл балалар бакчасында тәрбияләнүче Мазнавиева Мәдинә "Иң яшь катнашучы" номинациясендә җиңүче булды. Мәдинәне чын күңелдән котлыйбыз һәм алга таба да зур уңышларга ирешүен теләп калабыз.  «Ялгыз жыр» номинациясендә чыгыш ясап,  Кәзкәй балалар бакчасыннан Хабетдинова Риана (6 яшь)  3 урын алды, Фәрдиева Илсинэ (3 яшь) ,, Ин яшь башкаручы" номинациясендә жиңү яулады. Мәктәбебезнең 3б сыйныфы укучысы Зиннурова Әминә 1 урын (1-4 сыйныфлар арасында «Ялгыз җыр»номинациясе), 6т сыйныфы укучысы Шакирова Амалия 2 урын (5-9 сыйныфлар арасында «Ялгыз җыр»номинациясе), «One Life One Chance» кызлар төркеме 2 урын (5-9 сыйныфлар арасында «Җыр»номинациясе) яуладылар. 8т сыйныфы укучысы Акмалова Әминә «Иң хисле башкаручы» номинациясендә җиңү яулады. Котлыйбыз! 

       Хөрмәтле Зөһрә Баязит кызы! Сезне профсоюз коллективы исеменнән юбилеегыз белән котлыйбыз!Сезгә гомернең иң озынын, бәхетнең иң зурысын, шатлыкларның иң олысын юллыйбыз. Якты ал таңнар, зәңгәр күкләр сезнең күңелегезне һәрчак яктыртсын, балкытып торсын. Хезмәтегездә зур унышлар,сәламәтлек,тигезлек,балалар куанычы,бәрәкәтле тормышлар телибез!

Бүген Казан шәһәренең «Татнефть Арена» боз сараендагы Республика Яңа ел чыршысы уза. Биредә бөтен Татарстаннан 17 меңгә якын бала катнаша. Ул махсус хәрби операциядә катнашучыларының балалары, шулай ук уку алдынгылары, иҗади һәм спорт конкурсларында җиңүчеләр, активистлар. 
 
Актаныш районыннан әлеге бәйрәмдә 55 бала катнаша.

Кыш бабайга хат яздыгызмы әле? Без,2 а сыйныф укучылары,яздык. Барыбыз да язсак, бәлки, шыбыр-шыбыр яңгыр явудан туктар да, Кыш бабакай да килер.

          21 декабрь көнне  мәктәбебездә район прокуратурасы, эчке эшләр бүлеге, хакимият һәм мәгариф вәкилләре катнашында ата- аналар җыелышы үтте. Биредә яшүсмерләр арасында деструктив күренешләр турында сүз барды.

         21 декабря в нашей школе состоялось родительское собрание с участием районной прокуратуры, ОВД, органов власти и представителей образования. На собрании  говорили о деструктивном поведении подростков.

         Яңа елга тәрәзәләрне бизәү традициягә әйләнде. Быел да Чөгәнә балалар бакчасы тәрәзәләренә төрле рәсемнәр ясалды. Шушы матурлыкка сокланып, балалар, әти-әниләр - һәммәбезнең күңелендә дә бәйрәм кәефе туа.

       Украшать окна к Новому году стало традицией. В этом году на окнах детского сада  Чуганак тоже были нарисованы различные рисунки. Дети, родители и все мы, любуясь данной красотой, находимся в праздничном настроении.

          Бүген "Говорим и поем на английском" бәйгесендә мәктәбебезнең 3Б сыйныфы укучысы Зиннурова Амина, 6Т сыйныфы укучысы Шакирова Амалия, 8Т сыйныфы укучысы Акмалова Амина, 8А сыйныфы укучылары Микаелян Мелсида, Сафина Алиса, Амирова Илина, Әҗәкүл балалар бакчасыннан Мазнавиева Мәдинә, Әҗәкүл башлангыч мәктәбенең 3 сыйныф укучысы  Яппарова Алия, Кәзкәй балалар бакчасыннан Фардиева Илсинә һәм Хәбетдинова Риана уңышлы чыгыш ясадылар. Афәрин!