На этой неделе в школе проводятся Дни психологического здоровья. В рамках недели в понедельник проводилась психологическая игра "Следопыт" с пятиклассниками, во вторник смотрели социальные ролики, в среду проводится акция с начальными классами "Яркие ладошки". Учащиеся выражают свои пожелания на стене "Мысли на заборе", "Послание директору". В четверг пройдет акция "Тайный друг", где ребята могут отправить свои тайные письма.

1 нче сыйныф укучылары өчен китапханәгә экскурсия оештырылды.

3а класс укучылары (җитәкчеләре - Даутова Алсу Камиловна) өлкәннәр ункөнлеге уңаеннан әбекәй-бабакайларын котлап алар турында хикәяләр язды. Шуларны үз тавышлары белән радиода яздырып, анда эшләүче апаларының эшләре белән танышып кайттылар.  

Ләбиб Лерон иҗатына багышлап "Йолдызлы гаилә" исем астында 3б сыйныф укучылары өчен китапханә дәресе уздырылды.

Ләбиб Лерон иҗатына багышлап "Каләм изгегә тартыр" исем астында китап күргәзмәсе эшләнде.

4а класс укучылары Янавыл шәһәрендә волейбол ярышында катнашып, III урын яуладылар. Котлыйбыз! Тренерлары Ибнеев Ленар абыйлары.

3а сыйныфы укучысы Ахметшина Алияне хоккей ярышындагы уңышлары белән котлыйбыз. Афәрин, Алия! Киләчәктә дә зур җиңүләр телибез!   

Кадерле укытучыларыбыз! Сезнең турында күпме матур шигырьләр язылган, моңлы җырлар җырланган. Әйтер өчен яңа сүзләр, матур теләкләр инде калмагандыр да сыман, тик гел яңа сәнгать әсәрләре, җылы теләкләр туа тора. Чөнки укытучы һөнәре гади һөнәр генә түгел, һәм укытучы – гади кеше генә түгел. Укытучы һәр кешенең тормышында иң мөһим роль уйнаучыларның берсе. Сез һәр кешенең тормышына үз сулышыгызны, үз карашыгызны кертәсез. Еллар буе йөзләгән-меңләгән балага җан җылыгызны, энергия, көчегезне эчкерсез рәвештә өләшкәннән соң да, шундый мөлаем булып кала алуыгыз, ихласлылыгызны югалтмагыз безне сокландыра. Бездәге, ягъни бала күңелендәге ата-аналар күрми калган кайбер дулкынлану-үзгәрешләрне дә сез вакытында тоеп, иң кирәкле һәм мөһим сүзләр әйтә беләсез. Югалып калган, икеләнүләргә чумган баланың тынгысыз җанын тынычландырырдай, уйларын тәртипкә салырдай киңәшләр табасыз. Бала күңеле – бәллүр савыт сыман. Ә сез шул бәллүр белән эшләүче ювелирлар сыман. Киләчәктә кешенең ниндидер кыен хәлдә калгач, үз-үзен кулга алып, дөрес карар кабул итә алуы да, кайчандыр укытучысының: "Син булдырасың. Синең барысы да килеп чыгачак. Мин сиңа ышанам" – дигән сүзләренең тылсымлы кайтавазыдыр. Чөнки Сез – гади генә кешеләр түгел, сез чын тылсымчылар!

Мәктәбебезнең укучылар һәм укытучылар коллективы лаеклы ялдагы эшчеләребезне өлкәннәр көне белән котлады. Укучылар килгән кунакларны үзләренең җырлары, биюләре белән шатландырды. Соңыннан бәйрәм табын артында дәвам итте.  

Мәктәбебезнең татар теле һәм әдәбият укытучысы Солтанова Ирина Риф кызы скайпта онлайн-дәрес үткәрде.