Бүген уку йортыбызда урта һөнәри белем бирү уку йортлары өчен республикакүләм татар теле фәненнән олимпиада уза. Чараның максаты - студентларда туган телебезгэ мәхәббәт, кызыксыну уяту, бу өлкәдә иң югары күрсәткечләргә ирешүчеләрне билгеләү.

Техникумыбыз директоры Ландыш Жәүдәт кызы Шамсунова:"Актаныш,чын мәгънәсендә, татар районы. Без туган телебездә сөйләшәбез, телебезне хөрмәт итәбез. Бүгенге чара ТР мәгариф һәм фән министрлыгы боерыгы нигезендә оештырылды. Белем дәрәҗәсе - мөһим күрсәткеч. Мондый төр чаралар студентларның белемнәрен ачыкларга ярдәм итә. Студентларның төрле уку йортларыннан булуы да җиңүгә омтылышны үстерә. Уңышлар телибез сезгә, кызлар-егетлэр!"

Район мәгариф идарәсе җитәкчесе Раниза Митьян кызы Шакирова да катнашучыларга матур телэклэрен җиткерде.

Уку йортыбыз бүген гә 10га якын уку йортыннан студентларны кабул итте. Дустанә аралашу, җыр-бию белән башланып киткән очрашу, эшлекле рухта дәвам итә.

Матур нәтиҗәләр көтәбез катнашучылардан!