Бүген бакчабызның уртанчылар төркеме балалары Бөек Ватан сугышы ветераны белән очрашуга бардылар.  Авылыбызда хәзерге вакытта бердәнбер сугыш ветераны - Фәхертдинов Мирзаян Фәхертдин улы яши. Уртанчылар төркемендә аның оныкчыгы Камилә йөри. Мирзаян бабай балаларга үзенең сугышта катнашуы, яраланулары турында сөйләде, медальләрен күрсәтте. Сугыштан соңгы авыр тормыш турында, авылны, колхозны ничек аякка бастырулары турында сөйләде. Балаларга имин тормыш, сугыш афәтенең башка кабатланмавын теләде. Балалар аңа үз куллары белән ясалган чәчәкләрен бүләк иттеләр.