Бүген Яңа Әлем балалар бакчасында "Балалар бакчасында федераль дәүләт белем бирү стандартлары буенча танып белү эшчәнлеген оештыру" темасына район балалар бакчалары методистлары һәм Яңа Әлем кустына карган бакчалар мөдирләре киңәшмәсе булып үтте. Кунаклар уртанчылар төркемендә "Язгы урманга сәяхәт" темасына ФДББС шартларында танып белү үсеше эшчәнлеге ( тәрбияче Лилия Мирзасалихова), зурлар һәм мәктәпкә әзерлек төркемендә "Тапкырлар һәм зирәкләр" дип аталган интеллектуаль уен (тәрбияче Фирүзә Закирова)  карадылар. Соңыннан эшчәнлекләргә анализ һәм фикер алышулар булды.