19 февраль көнне Яңа Әлем балалар бакчасында Ватанны саклаучылар көненә багышланган бәйрәм иртәсе булды. Тәрбияче Фирүзә Закирова җитәкчелегендә мәктәпкә әзерлек төркеме балалары "Юл йөрү кагыйдәләрен яхшы бел" дигән бик актуаль сәхнә әсәре күрсәттеләр. Башка төркем балалары да әтиләрен бәйрәм белән котладылар. Бәйрәм иртәсенә барлык әтиләр белән бергә ЮХИДИ фонды директоры Р.З. Сәетова, ГИБДД инспекторы Илдус Имамразыев килгәннәр иде. Алар һәр балага юл йөрү кагыдәләренә өйрәткән кызыклы китап, брошюралар, календарьлар бүләк иттеләр. Бәйрәм барышында әтиләр ике командага бүленеп төрле уеннар уйнадылар, ярыштылар. Соңыннан әтиләрнең “Техник уенчыклар” темасына кул эшләренә нәтиҗәләр чыгарылды.Әтиләребез бәйрәмнән шат күңел белән таралыштылар.