Балаларның авыл хуҗалыгы техникасы турындагы күзаллауларын тирәнәйтү, аларны зурларның  һөнәрләре белән таныштыру максатыннан, мәктәпкә әзерлек төркеме балалары авылыбызның машина-трактор паркында экскурсиядә булдылар.
Экскурсия парк территориясендә урнашкан, техника һәм җиһазларны күрсәтүдән башланды. Яңа, заманча чәчкечләр, ургычлар, җирне тирәнтен эшкәртүче техникалар – болар барысы да балаларның күңеленә хуш килде. Алар яңа җиһазларны аеруча зур кызыксыну белән карадылар, һәр детальне игътибар белән өйрәнделәр. Бу экскурсия барышында балалар авылдагы хезмәтнең бик җитди, катлаулы икәнен, чәчү һәм урып-җыю кебек мөһим чорларда һәр минутның, һәр секундның ни дәрәҗәдә кадерле икәнен аермачык аңлап алдылар.
Балаларга мондый мавыктыргыч һәм файдалы экскурсия бик ошады, аларның дөньяга карашларын киңәйтте.