Бүген 6 сентябрь көнне мәктәпкә әзерлек төркеме балалары тәрбияче Әгъләмова Р.Х., кече тәрбияче Мөхәмәтдинова М.Д., өлкән шәфкать туташы Ильясова Р.Р. җитәкчелегендә урман почмагына экскурсиягә бардылар. Алар анда әниләре тутырып җибәргән күчтәнәчләрен утырып ашадылар, аннары төрле хәрәкәтле уеннар уйнадылар, ярыштылар, агачларны, үсемлекләр дөньясын күзәттеләр. Экскурсиянең максаты - табигатькә һәм баланың үз исәнлегенә сак караш тәрбияләү, игътибарлылыкны арттыру, хәтер сәләтен үстерү. Тере һәм тере булмаган табигать арасындагы бәйләнешне аңларга өйрәтүне дәвам итү.