Бүген тәрбиячеләр  белән берлектә , мәктәпкә әзерлек төркемендә тәрбияләнүче балалар  мәктәптә экскурсиядә булып кайттылар.  Балаларны мәктәптә булачак укытучылары һәм мәктәп директоры каршы алды.  Балалар мәктәптә үзләренең булачак беренче укытучылары һәм сыйныф бүлмәләре белән таныштылар, хәтта парта артына утырып үзләрен чын укучылар итеп тә хис итә алдылар.  Балалар экскурсиядән үзләре өчен мәктәп турында бик күп яңалык алып тизрәк  укырга бару теләге белән янып кайттылар. Ә иң ошаганы укучылар тарафыннан куелган “Кәрлә мәктәп баласы” исемле курчак театрын карау булды.