2013 елның 19 февралендә Яңа Әлем блалар бакчасында 23 февраль - Ватанны саклаучылар көненә багышланган бәйрәм иртәсе үткәрелде. Бәйрәм иртәсенә ЮХИДИ фонды директоры Р.З.Сәетова һәм полициянең өлкән лейтенанты Р.Г.Галләмов кунак итеп чакырылганнар иде. Мәктәпкә әзерлек-зурлар төркеме балаларының  "Световорны хөрмәт ит" сценарийсы буенча әзерләнгән ярыш-кичәсе һәркемнең күңелендә хуш калды. Ясле - 1 кечкенәләр, 2 кечкенәләр - уртанчылар төркеме балалары да әлеге бәйрәмдә юл йөрү кагыйдәләренә багышланган уеннар белән чыгыш ясадылар, үз белемнәрен күрсәттеләр. Әтиләр исә барысы да диярлек "Оста куллы әтием" күргәзмәсендә үзләренең  кул эшләре белән катнаштылар. Алар арасында урыннар да чыгарылып, эшләргә бәяләр бирелде. Бигрәк тә Хуҗин Ниязның бәйләм киемнәре, Закиров Рамил белән Галиев Фаязның агачтан ясалган атынгыч атлары, Нуриманов Вазилның пластмасс шешәләрдән кисеп  ясалган тәвә кошы, Исламхуҗин Рәмзилнең агачтан ясалган аш-су  җиһазлары, сыерчык оялары, тимердән бизәкләп ясалган гөлләр өчен подставка, кәгазьдән көймә, зур покрышкалардан кисеп һәм узорлап ясалган чәчәк үстерү җайланмалары һәм башка бик күп җиһазлар берәүне дә битараф калдырмады. Әтиләребезгә бәйрәм уңаеннан тагын да ныклы сәламәтлек, озын гомер, балаларының шат авазларына гына сөенеп яшәргә насып булуларын теләп калабыз. Бәйрәм ахырында ЮХИДИ хезмәткәрләре үзләренең алып килгән күчтәнәчләреннән балаларны да, әтиләрне дә, бакча хезмәткәрләрен дә буш калдырмадылар. Әлеге бәйрәм иртәсе Актаныш телевидени һәм радиосы аша да яңгырады.