Бүгенге көндә әби-бабаларыбыздан килгән күп кенә бәйрәм һәм йола күренешләре югалып бара . Менә шуны истә тотып , без  онытылып бара торган милли йолаларның берсе - “Карга боткасы “н уздырырдык. Иң беренче итеп  бакчабызда тәрбияләнүче балалар һәм тәрбиячеләр, 1нче майга әзерләнделәр, әзерлек дигәнебез – өйдән-өйгә кереп, ярма, йомырка, май һәм башка азык-төлек җыю иде. Әлеге чарада, авылыбыз халкы бик теләп катнашты - балаларга йомырка, ярманы бик мул итеп бирделәр, матур теләкләрен җиткерделәр, балалар белән бергәләп җырладылар, биеделәр. Балалар  бәйрәмгә хас булган теләүләр һәм такмазалар әйттеләр, җирдән муллык , күктән яңгыр , кояштан җылылык, табигатьтән бәрәкәт , илгә туклык , гаиләгә иминлек теләделәр/На сегодняшний день многие праздники и обряды, пришедшие от наших предков, утрачены . В память об этом мы провели один из самых запоминающихся национальных обрядов - “Карга боткасы “. Первым делом дети и воспитатели нашего детского сада готовились к 1 мая, подготовка заключалась в сборе круп, яиц, масла и других продуктов. В этом мероприятии с удовольствием приняли участие жители нашего села - они щедро раздавали детям яйца, крупы, выражали добрые пожелания, вместе с детьми пели, танцевали. 

Без бүген, язның иң матур бер көнендә, сөекле шагыйребез, Г. Тукайның туган көнен билгеләп үттек. Тукай иҗаты җиһанга ямь, яктылык чыганагы, яшәү көче бөркеп, җирне, күңелләрне җылытып торучы мәңгелек кояш кебек үзенә бер илаһи көчкә ия. Аның шигырьләре, моңлы бер җыр кебек, гасырлардан гасырларга күчеп, күңел кылларын тибрәндерә, еларга, да, көләргә дә, уйланырга да мәҗбүр итә.Тукай – безнең юлдашыбыз. Аның Шүрәлесе, Су анасы, Кәҗә белән Сарыгы һәм башка геройлары бүгенге көнгә кадәр  озатып килә. “Туган тел”е ана телебезгә хөрмәтебезне үстерсә, “Туган авыл”ы газиз туган җиребезгә мәхәббәтебезне көчәйтә. Без бүгенге бәйрәмебездә шагыйрьнең тормышы һәм иҗатын искә төшереп аларны сәхнәләштердек. Шигырьләрен яттан сөйләдек./Сегодня, в самый прекрасный весенний день, мы отметили День рождения нашего любимого поэта Г. Тукая. Творчество Тукая наделено такой божественной силой, как вечное солнце, дарующее собору красоту, источник света, жизненную силу, согревающее землю и души. .

Бакчабызда тәрбияләнүче нәниләребез ике көн дәвамында барган районкүләм "СабыйSkills-2022" бәйгеседә катнашып, уңышлы чыгыш ясадылар. Шагзамов Илназ "Ресторан хезмәте" компетенциясендә- 2 урын, Шайгарданова Алиса "Тәрбияче" компетенциясенең "  "Иң мәрхәмәтле " номинациясендә, Вирт Наталья "Кондитер" компетенциясенең "Иң оригиналь " номинацияседә җиңү яуладылар.

Бүген бакчабызның нәниләре  китапханәгә экскурсиягә бардылар. Балаларны шат күңел белән китапханә хезмәткәре Имамова Римма Риф кызы каршы алды.  Экскурсия барышында балаларны уку өстәлләре һәм балалар абонементы эшчәнлеге белән таныштырды. Мәктәпкәчә яшьтәге балалар, китапларның мөһимлеге һәм аларның ясалу тарихы, алар белән сакчыл эш итәргә кирәклеге турында  да зур кызыксыну белән тыңладылар. Шулай ук стеллажларга тезелгән төрле темадагы китапларны зур канәгатьлек белән карап чыктылар. Балаларда экскурсия чын мәгънәсендә зур тәэсир калдырды. Күбесе китапханәгә әти – әниләре белән килеп китап укучы буларак язылырга карар итте. 

Бүген тәрбиячеләр  белән берлектә , мәктәпкә әзерлек төркемендә тәрбияләнүче балалар  мәктәптә экскурсиядә булып кайттылар.  Балаларны мәктәптә булачак укытучылары һәм мәктәп директоры каршы алды.  Балалар мәктәптә  сыйныф бүлмәләре белән таныштылар, хәтта парта артына утырып үзләрен чын укучылар итеп тә хис итә алдылар.  Балалар экскурсиядән үзләре өчен мәктәп турында бик күп яңалык алып тизрәк  укырга бару теләге белән янып кайттылар. Ә иң ошаганы укучылар тарафыннан куелган “Кәрлә мәктәп баласы” исемле курчак театрын карау булды.

12 апрель- Космонавтика көне, кешелек тарихында истәлекле дата. Юрий Гагаринның Галәмгә беренче мәртәбә  очкан көне.  Шул уңайдан бакчабызда төрле чаралар узды. Балалар космос турындагы китаплар, кешенең тугры дуслары - этләр Лайка, Стрелка һәм Белка,Восток-1 космик корабында беренче булып Җир орбитасын урап узган Ю.Гагарин турында белделәр.Космос һәм Ю.Гагарин турында шигырьләр укылды, тема буенча табышмаклар чишелде, космонавтика өлкәсендә эшләгән галимнәр, космонавтлар һәм космик очышлар тарихы чагылдырылган материаллар тупланган«Кеше. Галәм. Космос "презентациясе  каралды.

31 март көнне бакчабызда  “Балаларның сөйләмен үстерүдә театр сәнгатенең роле” темасы астында район бакча мөдирләренең методик киңәшмәсе булып узды. Киңәшмәнең беренче көн тәртибе буенча төркемнәрдә сөйләм үстерү буенча белем бирү  эшчәнлекләре каралды, анализланды. 2 көн тәртибе буенча музыка җитәкчесе тарафыннан куелган А.Алиш әсәре буенча  “Сер тотмас үрдәк” әкиятен балалар  сәхнәләштереп күрсәттеләр.  3 көн тәртибе буенча бакча мөдире Г.Р.Сарварованың “Балалар бакчасында  театр эшчәнлеге” темасына чыгышы тыңланды.4 көн тәртибе буенча Тема буенча фикер алышулар булды.Килгән кунаклар “Балаларның сөйләмен үстерүдә театр сәнгатенең роле” темасы астында ясалган театр сәнгате буенча күргәзмәдә булдылар

Татар халкы тарихында лаеклы урын алган җәүһәр ул- гармун. Заманалар үзгәреш кичерә. Әмма гармунчыларның абруе кимеми. Мәңгелек кыйммәтләрне саклаучыларга халык баш ия, гармун моңы безне якынайта, берләштерә. Шул уңайдан бүген “ Гармунчылар” түгәрәгенә йөрүче укучы егетләр һәм кызлар бакчабызда кунакта булдылар. Мәктәбебезнең оста, сәләтле гармунчылары, баянчылары безгә, бик матур итеп гармуннарда уйнап, бәйрәм ясадылар. Балалар киләчәктә гармун түгәрәгенә йөрисе килү теләге белән янып калдылар.

Республикакүләм балалар бакчалары арасында узган “Ученый  малыш” олимпиадасында безнең бакчада тәрбияләнүче балалар да катнашып, югары урыннар яуладылар