Бүген - 21 нче февраль. Һәр милләт, һәр халык өчен бәйрәм көн - Халыкара туган тел көне. Һәркем өчен дөньядагы барлык телләр арасында иң кадерлесе - тәүге кабат сөйләшә башлаган ана теле. Бу - безнең балачагыбыз, гаиләбез, җәмгыятьтәге беренче тапкыр аралашуыбыз теле. Халыкара туган тел көнендә барлык телләр дә, тигез дип таныла, чөнки аларның һәркайсы кеше язмышы өчен җавап бирә һәм без аны сакларга тиешбез.

Мәктәбебездә әледән-әле төрле кичәләр, ярышлар үткәрелеп тора. Шундый кичәләрнең берсе, 23 февраль - Ватанны саклаучылар көненә багышлап мәктәптә «Ягез әле, әтиләр!» дигән кичә үткәрелде. Әлеге кичәне педагог-оештыручы, физкультура укытучысы Фатхиева Мария Олег кызы оештырды. Бәйрәмнең беренче өлешендә укучылар тарафыннан концерт номерлары тәкъдим ителде. Икенче өлешендә әтиләр командаларга бүленеп, төрле ярышларда катнашып көчләрен сынадылар. Ярыш нәтиҗәләре буенча төрле номинацияләрдә әтиләргә дипломнар тапшырылды. Кичә чәй табыны янында дәвам итте.

20 нче февраль көнне мәктәбебездә “Ягез әле, егетләр!” бәйгесе 5-9 нчы сыйныф малайлары катнашында үткәрелде. Бәйгедә малайлар төрле уен-ярышларда катнашып көч сынаштылар. Тормыш иминлеге нигезләре укытучысы Сахипов Илшат Мансур улы җитәкчелегендә үткәрелгән әлеге бәйге укучыларда патриотик һәм горурлык хисләре тәрбияләүдә зур роль уйнады. Атна ахырында линейка вакытында җиңүче укучыларга мактау грамоталары тапшырылачак.

Йолдызлык фестивалендә катнашучы балалар тагын бер баскычка күтәрелделәр. 18-19 нчы февраль көннәрендә укучылар район сәхнәсендә дә чыгыш ясадылар. Фестиваль хәрәкәте тырышлыгы белән авыл жирлегендә яшәүче йөзләгән сәләтле балада үзләренә ышаныч уянды - алар зур сәхнәгә чыктылар. Безнең укучыларыбыз ялгыз жыр, күмәк бию һәм конферанс кебек өч төп номинация буенча чыгышларын тәкъдим иттеләр. Укучыларыбызга һәм аларның остазларына киләчәктә дә иҗади уңышлар теләп калабыз.

Актаныш районы мәгариф идарәсе планы нигезендә 19 нчы февраль көнне укучыларның чит телләрне өйрәнүдә мотивация дәрәҗәләрен күтәрү, сәләтле укучыларны ачыклау һәм инглиз теленнән БДИга әзерлек максатыннан 8-9 нчы сыйныф укучылары арасында “Письмо другу”, 11 нче сыйныф укучылары өчен “Живое эссе” сочинениеләр бәйгесе оештырылды. Укучылар бирелгән хатка билгеләнгән вакыт эчендә җавап яздылар. Безнең мәктәптән әлеге бәйгедә 9 нчы сыйныф укучысы Насипов Илдар катнашты.

Татарстанских школьников-инноваторов приглашают принять участие во всероссийском конкурсе научно-технического творчества «ШУСТРИК». Для участия необходимо подготовить проект согласно заданию в одной из номинаций: Аэрокосмос; энергосбережение; интеллектуальные энергосберегающие технологии; интеллектуальные транспортные системы; интеллектуальные робототехнические системы; нейротехнологии; экология; аддитивные технологии; композитные технологии; искусство и технологии; фуднет.

Мәктәбебезнең башлангыч сыйныф малайлары - яшь армиячеләр арасында традицион "Ягез әле, егетләр!" бәйгесе үтте. Оборона-масса айлыгы кысаларында "Яшь армия" проектын тормышка ашыруда бу үзенчәлекле чара булды. Малайлар төрле спорт төрләрендә үзләренең көчләрен сынаштылар. Җиңүчеләргә грамоталар тапшырылды.

15 нче февраль көнне Актанышның беренче санлы урта мәктәбе базасында районның яшь педагоглары өчен “Креатив фикерләү” темасына тренинг уздырылды. Безнең мәктәптән анда инглиз теле укытучысы Сәлимҗанова Л.Ә. һәм башлангыч сыйныф укытучысы Фазлыева Р.Л. катнашты. Яшь укытучылар коллегалары белән аралашып, тәҗрибә уртаклашып, кызыклы мәгълүматләр алып кайттылар. 

15 февраль көнне математика, физика һәм информатика атналыгы кысаларында 8 нче һәм 9 нчы сыйныф укучылары белән, 3 командага бүленеп, "Кызыклы информатика" викторинасы уздырылды. Викторинада кейслардагы хәрефләрдән информатикага кагылышлы сүзләр төзү, кодлаштыруга багышланган һәм логик мәсьәләләр чишү, текстның күләмен табу, саннарны унарлы санау системасыннан икешәрле санау системасына күчерү, граф төзеп биремнәрне үтәү каралган иде. Укучыларда биремнәр ныклы кызыксыну уятты, информатика фәнен өйрәнгәндә мондый викториналарны ешрак үткәрергә кирәк дигән нәтиҗә ясалды.

1989 елның 15 феврале... Утыз ел элек ул көнне Совет гаскәрләренең чикләнгән контингенты, Әфганстан демократик республикасыннан чыгарылды. Әфган сугышын кичкән һәркем өчен, аларның гаиләләре өчен фаҗига белән үрелгән кадерле һәм гыйбрәтле көн бу! Туган илен, туган җирен яклап, яу кырына кергән батыр егетләребез хакында безнең онытырга хакыбыз юк! Актаныш районы Яңа Әлем авылыннан да егетләргә Әфган илен, Әфган җирен үз күзләре белән күрергә туры килә.