Муниципальное бюджетное общеобразовательное учреждение «Новоалимовская основная общеобразовательная школа» Актанышского муниципального района Республики Татарстан / Татарстан Республикасы Актаныш муниципаль районы "Яңа Әлем төп гомуми белем бирү мәктәбе" муниципаль бюджет гомуми белем бирү учреждениесе
Визитная карточка
Адрес: | 423762, Республика Татарстан, Актанышский район, с.Новое Алимово, ул.Г.Тукая, д.54 |
Телефон: | 8(85552)6-09-11; 8-927-491-23-05 |
E-Mail: | alimovo@mail.ru; ramzilaxmetow@yandex.ru |
Министерство: | Министерство образования и науки Республики Татарстан |
Короткое название: | МБОУ "Новоалимовская ООШ" |
Руководитель: | Ахметов Рамзиль Хузагалиевич |
Год основания учреждения: | 1976 |
У нас учатся: | 94 учащихся |
У нас учат: | 14 педагогов |
Муниципальное бюджетное общеобразовательное учреждение «Новоалимовская основная общеобразовательная школа» Актанышского муниципального района Республики Татарстан / Татарстан Республикасы Актаныш муниципаль районы "Яңа Әлем төп гомуми белем бирү мәктәбе" муниципаль бюджет гомуми белем бирү учреждениесе - новости
Страницы: << 31 32 33 34 35 ( 36 ) 37 38 39 40 >>
-
Максатчан укыту юнәлешендә белем алучы студент белән очрашу 06.02.2022
Бүгенге көндә, тарихыбызны онытмыйча, киләчәкне күзаллап яшәргә кирәк. Яңа Əлем мәктәбе дә, 3 ел элек шушы принцип белән, математика фәненнән киләчәктә укытырга кайтару өчен, аерым фәннәрне тирәнтен үзләштерүле Актанышның 2 санлы урта гомуми белем бирү мәктәбен тәмамлаган укучы белән максатчан укыту юнәлешендә килешү төзегән иде. Əлеге егет - Исламов Зиннур Альберт улы, бүгенге көндә КФУның 3 нче курс студенты, Актаныш районы яшьләре арасында иң активларының берсе. Ул бүген мәктәптә кунакта булып, югары сыйныф укучылары белән очрашып, студент тормышы белән уртаклашты, "укытучы" һөнәренә карата балаларда мәхәббәт уятырга тырышты.
-
2022 ел - Татарстанда цифрлаштыру елы 05.02.2022
2022 ел - Татарстанда цифрлаштыру елы. Цифрлаштыру белем бирүдә дә чагылыш таба: планшетлар, электрон датчиклар, аларны эшләтү өчен приложениелар... Ə менә аларны куллануда кайбер укучы балалар өлкәнрәк буыннан ике адым алда баралар, дисәк тә ялгыш булмас. «Математика, физика, информатика» атналыгы кысаларында, 8-9 сыйныф укучылары «Үсеш ноктасы» үзәгенә кайтарылган цифрлы лабораторияләрне кулланып, төрле датчиклар белән тәҗрибәләр эшләп күрсәттеләр. Төркемнәргә бүленеп, чараны карарга кергән 4-5 сыйныф укучылары, апа-абыйларына яңа белемнәр белән уртаклашканнары өчен рәхмәтләрен дә җиткерделәр!
-
«Үсеш ноктасы» үзәгендә физика фәненнән кызыклы экспериментлар тәкъдим ителде 04.02.2022
«Үсеш ноктасы» үзәгендә, «Математика, физика, информатика» атналыгы кысаларында, 8-9 сыйныф укучылары физика укытучысы Илназ Илшат улы белән берлектә, 4-5 сыйныф укучыларына физика фәненнән кызыклы экспериментлар тәкъдим иттеләр.
-
"Әлифба бәйрәме" уздырылды 03.02.2022
3 февраль көнне мәктәбебездә 1 сыйныф укучыларының "Әлифба бәйрәме" уздырылды. Чарада укучылар үзләренең яраткан дәреслекләреннән нәрсәләргә өйрәнүләре турында сөйләделәр. Бәйрәм җырлы уен-тамаша белән үрелеп барды.
-
Район Башлыгы белән түгәрәк өстәл артында әңгәмә 29.01.2022
"Ел укытучысы-2022" һөнәри осталык бәйгесенең муниципаль этабында катнашып, яхшы күрсәткечләргә ирешкән мөгаллимнәр район Башлыгы Энгель Фәттахов белән түгәрәк өстәл артында очрашты. Биредә бәйгенең 5 номинациясе буенча иң яхшы дәрес һәм мастер-класс күрсәтүче дип табылган 14 укытучы һәм алар хезмәт куйган мәктәпләрнең директорлары катнашты. Чарада безнең мәктәптән Лениза Зәки кызы һәм Лилия Əхнәф кызы катнаштылар, аларга уңышлар телибез!
-
“Ишегалды хоккей командалары” дусларча очрашу ярышында 3 нче урын 29.01.2022
"Сәламәтлек көне"ндә укучыларыбыз спорт белән шөгыльләнүләрен дәвам иттеләр. Мәктәпнең хоккей командасы Актаныш районы төп гомуми белем бирү мәктәпләре арасында Богады авылында уздырылган “Ишегалды хоккей командалары” дусларча очрашу ярышында 3 нче урынны алып, диплом белән бүләкләнеп кайттылар. Команда составындагы укучылар: 6 класстан Исламхуҗин Айназ, 7 класстан Муллахметов Әмир, Галеев Раяз, 8 класстан Шәрипов Азамат, Минахметов Айрат, 9 класстан Бадрашитов Гадел, Рахматуллин Камил. Тренерлары Мухаметов Миннәхмәт Зөлкирам улы. Аларны уңышлары белән чын күңелдән котлыйбыз!
-
"Сәламәтлек көне"н билгеләп үттек 29.01.2022
Бүген, 29 нчы январь көнне, мәктәбебез укучылары һәм укытучылары белән "Сәламәтлек көне"н билгеләп үттек. Бу көн – үз саулыгың турында кайгыртуга һәм төрле чирләрне искәртүгә багышланган көн. Сәламәтлек көне – үз сәламәтлегенә битараф булмаган һәр кешенең шәхси бәйрәме! Аның әһәмиятен бәяләп бетерү мөмкин түгел, чөнки ул безгә иң кадерле, иң кыйммәтле нәрсәбезне – саулыгыбызны саклау кирәклеге турында тагын бер кат искә төшерә. Бүгенге коронавирус белән бәйле шартларда һәркайсыбызның үз саулыгы турында кайгыртуы аеруча актуаль мәсьәлә.
-
"Əйләнә озынлыгы" темасына математикадан ачык дәрес 27.01.2022
Физика-математика һәм информатика атналыгы кысаларында, математика укытучысы Зөлфия Вил кызы 6 нчы сыйныфта "Əйләнә озынлыгы" темасына ачык дәрес күрсәтте.
-
"Сыеклыкларда һәм газларда басым" темасына физикадан ачык дәрес 25.01.2022
Физика-математика һәм информатика атналыгы кысаларында, физика-информатика укытучысы Илназ Илшат улы бүген 7 нче сыйныфта "Сыеклыкларда һәм газларда басым" темасына ачык дәрес күрсәтте.
-
"Ялгыз һәм аралаш вакланмалар"ны кабатлауга математикадан ачык дәрес 25.01.2022
Уку елы башында расланган план-график нигезендә агымдагы атнада мәктәбебездә физика-математика һәм информатика атналыгы уздырыла. Методик берләшмәдә атналыкның чаралар планы да төзелде. Бүген математика укытучысы Фидания Яһүдә кызы 5 нче сыйныфта "Ялгыз һәм аралаш вакланмалар"ны кабатлауга ачык дәрес күрсәтте.