Муниципальное бюджетное общеобразовательное учреждение «Новоалимовская основная общеобразовательная школа» Актанышского муниципального района Республики Татарстан / Татарстан Республикасы Актаныш муниципаль районы "Яңа Әлем төп гомуми белем бирү мәктәбе" муниципаль бюджет гомуми белем бирү учреждениесе
Визитная карточка
Адрес: | 423762, Республика Татарстан, Актанышский район, с.Новое Алимово, ул.Г.Тукая, д.54 |
Телефон: | 8(85552)6-09-11; 8-927-491-23-05 |
E-Mail: | alimovo@mail.ru; ramzilaxmetow@yandex.ru |
Министерство: | Министерство образования и науки Республики Татарстан |
Короткое название: | МБОУ "Новоалимовская ООШ" |
Руководитель: | Ахметов Рамзиль Хузагалиевич |
Год основания учреждения: | 1976 |
У нас учатся: | 94 учащихся |
У нас учат: | 14 педагогов |
Муниципальное бюджетное общеобразовательное учреждение «Новоалимовская основная общеобразовательная школа» Актанышского муниципального района Республики Татарстан / Татарстан Республикасы Актаныш муниципаль районы "Яңа Әлем төп гомуми белем бирү мәктәбе" муниципаль бюджет гомуми белем бирү учреждениесе - новости
Страницы: << 101 102 103 104 105 106 ( 107 ) 108 109 110 >>
-
Белем бәйрәме белән! 01.09.2018
1 нче сентябрь - белем бәйрәме, беренче кыңгырау бәйрәме. Бүген мәктәпләрдә hәр бала көтеп алган яңа уку елы башланды. Кадерле укучылар, зур ихтирамга лаек булган укытучылар, әти-әниләр! Сезне бәйрәм белән котлыйбыз. Сезгә җан тынычлыгы, күңел көрлеге, тән сихәтлеге, эшегездә, укуыгызда, шәхси тормышыгызда зур уңышлар теләп калабыз. Яңа уку елы hәркемгә шатлык-сөенечләр, бары тик яхшы билгеләр, уңышлар гына алып килсен.
-
Социаль яктан авыр хәлдәге гаиләләрнең тормыш шартлары белән танышу 27.08.2018
27 нче август көнне мәктәп җитәкчелеге һәм класс җитәкчеләреннән төзелгән эшче төркем, авыр тормыш ситуациясендә калган гаиләләрдә тәрбияләнүче балаларның тормыш һәм яшәү шартларын, кичектергесез хәл итәсе җитди мәсьәләләрне рейдларга чыгып өйрәнеп кайтты. Рейд кысаларында шулай ук балаларның яңа уку елына әзерлекләре дә каралды. Эш нәтиҗәсе буенча комиссия төп проблемаларны билгеләде һәм алда торган яңа уку елына бурычлар куйды. Төп бурычлар шулардан гыйбарәт: социаль-куркыныч, тормышта авыр хәлдә калган, алыштыручы гаиләләрне даими тикшереп торырга; шул гаиләләр белән янгын хәвефсезелеге буенча кисәтү эшләре алып барырга, гаиләләрдә куелган янгын турында хәбәр итү җайланмалары барлыгын тикшерергә.
-
Корбан гаете мөбарәк булсын! 21.08.2018
Корбан - Аллаһка якын булу дигән сүз. Бүгенге изге көндә, бүгенгедәй изге вакытларда догаларыбыз кабул була торган мизгелләрдә күңелләребезне игелеккә юнәлтеп, тирә-якка мәрхәмәт күзләре белән карарга өйрәнеп һәммәбезгә дә Аллаһка якынаерга насыйп булсын. Бәйрәм уңаеннан мәктәбебез ашханәсендә авыл Советы җитәкчесе Дилбәр Миркасыйм кызы ярдәме белән, "Башак" ҖЧҖ директоры Хәлил Мансур улы һәм шәхси эшмәкәр Ралиф Мирзаян улы белән Ләйсән Фарис кызы чалдырган корбан итләре авылдашларга авыз иттерелде. Корбан гаете мөбарәк булсын, һәр йортка да шатлык, иминлек һәм Аллаһы Тәгаләнең рәхмәтен алып килсен!
-
Мәктәпләрнең яңа уку елына әзерлекләре тикшерелде 19.08.2018
Бүген, ягъни 19 август көнне, Актаныш районы башкарма комитеты җитәкчесе Энгель Фаттахов, аның социаль мәсьәләләр буенча урынбасары Ләйсән Нурлыева, мәгариф идарәсе җитәкчесенең укыту буенча урынбасары Роза Имамова, мәктәп директорлары белән берлектә районның белем йортларында булдылар. Максатлары мәгариф учреждениеләренең яңа уку елына әзерлеген тикшерү иде.
-
Мәктәпнең материаль-техник базасын яңарту 18.08.2018
Ел саен мәктәбебез бакчасында төрледән-төрле яшелчәләр, җиләк-җимешләр үстерәбез. Бакчада ел дәвамында укучылар һәм укытучылар бердәм көч куялар. Җәйге каникул чорында һәрбер укучы мәктәп бакчасында бик теләп эшли. Яңа 2018-2019 уку елына әзерлек максатыннан, бакчабыздан җыеп алган яшелчә, җиләк-җимешләрне сатып, шулай ук "Үз мәктәбеңә булыш" республикакүләм акциядә иганәчеләрдән һәм мәктәбебезне электән тәмамлаган укучыларның матди ярдәме белән рус теле кабинетына ремонт ясалды һәм өр-яңа парта-урындыклар белән тәэмин ителде.
-
2004 нче елгы чыгарылыш класс укучылары очрашуы 18.08.2018
18 нче август көнне Яңа Әлем мәктәбендә, мәктәпне 2004 нче елда тәмамлаган укучылар һәм аларны укыткан укытучылар очрашуга җыйналды. Башлангыч сыйныфта укыткан укытучылары Фәйрүзә Нәкый кызы, югарый сыйныфта укыткан Гөлназ Мөбәрәк кызы, классска җыелышкач та бик күп хатирәләрне искә төшерде. Килгән кунаклар мәктәп музеенда да булдылар, авылыбыз шәҗәрәсеннән карап, үзләренең нәсел җепләрен барладылар. Югары сыйныфта үзләре укыган татар теле кабинетына, "Үз мәктәбеңә булыш" республикакүләм акциядә катнашып, класс тактасы бүләк иттеләр. Аларның сыйныфташы, мәктәп директоры Илназ Илшат улы һәм мәктәп коллективы исеменнән 2004 нче елгы чыгарылыш укучыларына зур рәхмәт! Киләчәктә дә сафлары кимемичә, саулык-сәламәтлектә, тагын да артыбрак очрашырга язсын дигән теләк белән таралыштылар.
-
Укучыларыбыз Авиашоу кысаларында бәйгедә катнаштылар 17.08.2018
Актанышта техник иҗатны үз итүчеләр Авиашоуга бик зур дулкынлану белән әзерләнделәр. Техник модельләштерү белән максатчан шөгыльләнүче остазлар да, укучылар да үзләре ясаган модельләрне кат-кат күздән кичерде, яңартты, яңа детальләр өстәде – камилләштерде. Авиашоу кысаларында алар үз күргәзмәлекләрен тәкъдим иттеләр. Яңа Әлем мәктәбе укучылары да, Актанышта беренче тапкыр уздырылган Авиашоу кысаларында, авиамодельләштерү бәйгесендә, үзләре ясаган ракета белән катнаштылар. Җитәкчеләре хезмәт укытучысы - Сахипов Илшат Мансур улы.
-
Мәктәпнең яңа уку елына әзерлеген тикшерү 13.08.2018
Җәйге каникулның соңгы ае бара. Яңа уку елы башланырга да күп калмый. Димәк, балалар бакчалары, мәктәпләр, өстәмә белем бирү учреждениеләрендә эш башларга, барысы да әзерме-юкмы икәнлекне тикшерергә вакыт җитте. Һәм бу эш башланды инде. Бүген безнең мәктәптә мәгариф идарәсе, хөнәр берлеге, гадәттән тыш хәлләр белгечләреннән торган комиссия мәктәпнең яңа уку елына әзерлеген тикшерде. Әлбәттә, беренче чиратта объектларның сакланышын тәэмин итү, янгын куркынычсызлыгы кебек мәсьәләләргә басым ясалады.
-
VIII Бөтендөнья татар яшьләре форумында чыгыш 06.08.2018
1-5 август көннәрендә Казан шәһәрендә VIII Бөтендөнья татар яшьләре форумы булып узды. Форумда халкыбызның телен, мәдәниятен саклау һәм үстерү, яшь буынның милләтебезнең үзенчәлеген саклауда тоткан роле каралды. Әлеге чарада 30 чит илдән, 60 Россия төбәгеннән һәм Татарстан районнарыннан барлыгы 1000нән артык делегат катнашты. Форум кысаларында эшлекле очрашулар (пленар утырыш, дискуссион мәйданчыклар, проект сессияләрен уздыру), төрледән-төрле мәдәни-мәгълүмати һәм өйрәнү сәяхәтләре, шулай ук Казанның татар тарихы белән бәйле урыннарына бару, Арчада шәһәр көнендә һәм “Печән базары” фестивалендә катнашу оештырылды. Форумда Яңа Әлем мәктәбе директоры Илназ Илшат улы милләттәшләрне үзе җитәкләгән интернет-проектлар белән таныштырды.
-
Мәктәп бакчасында җәйге өмә 31.07.2018
Җәй аеның бер көнендә мәктәп бакчасы хезмәт гөрелтесенә күмелде. Бу көнне укытучылар һәм техник хезмәткәрләр ярдәме белән җәйге өмә оештырылды. Алар ярдәме белән бакчадагы чүп үләннәре, зур агачлардан коелган агач ботаклары чистартылды. Өмәдә катнашкан хезмәткәрләргә олуг рәхмәтләребезне җиткерәбез. Чүп-чарны ташу өчен транспорт белән тәэмин иткән "Башак" ҖЧҖ җитәкчелегенә дә зур рәхмәт.