30 нче апрель көнне  дәресләрдән соң Киров урта мәктәбе  укучылары көче белән Киров авыл җирлегенә караган юл читләре чүп-чардан, агач ботакларыннан арындырылды. Юл буйларындагы агач кәүсәләре агартылды. Укучылар һәм укытучылар бик тырышып эшләделәр.

28 нче апрель көнне Казан шәһәренең Совет районы "20 нче гимназия"сендә үткән 7 нче класс укучысы Сибгатуллина Алисә "Алиш эзләреннән" I төбәкара фәнни - гамәли конференциясенең "Шигърият бакчасында " секциясендә 2 урын алды. "Алиш эзләреннән" дигән җыентыкта "Көз", "Яңа ел кары" , "Газаплы еллар" дигән шигырьләре басылды. 9 нчы класс укучысы Бикмухаметова Гүзәл Сертификатка ия бүлды. Җыентыкта "Безнең теләкләр", "Әбиемнең киңәшләре" дигән шигырьләре басылды. Җитәкчеләре: татар теле һәм әдәбияты укытучысы Рәшитова Илүсә Сәлимҗан кызы.

В нашей школе прошёл конкурс чтецов "Спасибо деду за Победу". Надеемся, что стихи русских поэтов, прозвучавшие сегодня в исполнении учащихся 5 - 9 классов оставят в душе каждого светлые и радостные чувства.

28 нче апрель көнне 1 - 11 класс укучылары мәктәп территориясен җыештырдылар. 

28 нче апрель көнне авылыбыз китапханәсендә "Күңелләрдә яши яшь Тукай" дигән эдәби чара узды. Китапханәче Энҗе Фасиловна укучыларны Г. Тукайның  тормыш юлы белән таныштырды, тестлар эшләтте. Бу чарадан укучылар үзләренә бик күп кызыклы мәгълүмат алдылар. 

27 нче апрель көнне мәктәптә "Язгы игелек атналыгын" йомгаклау булды. Актив катнашкан укучыларга мактау кәгазьләре тапшырылды. 

25 нче апрель көнне  7, 10 класс укучылары Сәфәрнең "Туган як" музеенда булдылар. Укучылар Сәфәр авылы тарихы белән таныштылар. 

Бүген Сәфәр зонасына караган башлангыч класс укучылары арасында каллиграфия конкурсы булды. Анда безнең мәктәптән. 2 класс укучысы Ибрагимова Инзилә, 3 класс укучысы Галимарданова Зилә, 4 класс укучысы Мирзагитова Юлия катнашты. Алар өчесе дә беренче урынга ия булдылар һәм 29 нчы апрельдә Актанышта булачак каллирафия конкурсында катнашачаклар. Аларга уңышлар теләп калабыз.

24 нче апрель көнне татар теле атналыгы кысаларында укучыларны Бөек Ватан сугышында катнашкан әдипләрнең иҗаты белән таныштыру, аларда әдәби әсәрләрне укуга омтылыш уяту максатыннан "Ә күңелләр һаман яралы..." әдәби - музыкаль кичә үтте. Кичә бик күңелле һәм мавыктыргыч булды.

24 нче апрель көнне башлангыч класс укучылары Г. Тукайның туган көне уңаеннан шигырь бәйрәме үткәрделәр. Кичәдә укучылар Г. Тукайның шигырьләрен сөйләделәр, аның шигырьләренә язылган җырлар җырладылар. "Бала белән күбәләк", "Кызыклы шәкерт", "Эш беткәч, уйнарга ярый" шигырьләрен сәхнәләштерделәр. Кичә бик күңелле һәм файдалы үтте.