Бүген Киров балалар бакчасы, Киров урта мәктәбе, Олыимән башлангыч мәктәбе һәм Олыимән балалар бакчасы коллективы ГТО нормасы тапшырдылар. 500 граммлы граната ату, 10 метрдан ату, 60 метрга йөгерү, 2 километрга йөгерү буенча спорт ярышлары уздырылды. Укытучылар, тәрбиячеләр, техник хезмәткәрләр бик актив катнаштылар. 

Бүген мәктәп укучылары 3 укытучы җитәкчелегендә Киров-Алма-Ата-Олыймән-Бишкүмәч-Тәкмәк-Югары Яхшый-Табанлыкүл-Чуракай-Иске Байсар-Сәфәр маршруты буенча велопоходка киттеләр. 13 кешедән  торган велосипедчылар группасы юкка чыккан авылларны барлап, сугыш һәм тыл ветераннары белән очрашулар оештырачаклар. Аларга уңышлар телибез.

Бүген Киров мәдәният йорты каршында урнашкан һәйкәл янында җиңүнең 70 еллыгына багышланган митинг узды. Яңа һәйкәл ачылды, тасманы авылыбызның бердән-бер ветераны Бәтиев Флүн Бәхти улы, Актаныш районы башкарма комитетының социаль мәсьәләләр буенча урынбасары Шәмсунова Ландыш Җәүдәт кызы һәм авылыбызның җирле үзидарә советы рәисе Гафуров Айваз Әбсогот улы кистеләр. Сугыш  һәм тыл ветераннарына балалар бакчасында тәрбияләнүче  балалар һәм мәктәп укучылары концерт куйдылар. Авыл яшьләре һәм мәктәп укучылары сәхнәләштергән сугыш эпизодын күрсәттеләр. Авылыбыздан сугыш кырында ятып калган авылдашларны 1 минут тынлык белән искә алдылар.

Киров урта мәктәбендә гадәти кыңгырау тавышы урынына тәнәфескә звонок биргәндә, танылган патриотик җырлар яңгыратыла. Бу җырлар: “Катюша” М.Блантер, М.Исаковский, “День Победы” Д.Тухманов, В.Харитонов, “Три танкиста” Д. Покрассов, Б.Ласкин, “Прощание Славянки” В.Агапкин, В.Лазарев, “Смуглянка” А.Новиков, Я.Шведов, “Синий  платочек” Г.Гольц, Е.Штестбургский, Я.Галицкий, М.Максимов.

    Әлеге җырларны волонтёры70.рф/audio ссылкасы аша алдык. 

“ТР БКИ” 2015 елга план-графигы нигезендә, ТР Фән һәм мәгариф министрлыгы заданиесен үтәү өчен, 5-6 май көннәрендә Әгерҗе шәһәренең Таҗҗи Гыйззәт исемендәге 3 нче санлы урта мәктәбендә төп гомуми белем бирү программасы өстендә эшләгән  укытучылар өчен зона семинары булып узды. Бу семинарда Киров урта мәктәбеннән 3 педагог катнашты. Тарих укытучысы Галиева Р.Ә., инглиз теле укытучысы Солтанова А.Н., математика укытучысы Имамова Р.Х.

  2014-2015 уку елында IХ сыйныф укучыларының барысы өчен дә дәүләт йомгаклау аттестациясе кысаларында татар теленнән бердәм республика тесты үткәреләчәк.  5 май Киров урта мәктәбенең 9 нчы сыйныф укучылары белемнәрен сынап карау өчен татар теленнән бердәм дәүләт тестын эшләп карадылар. Тест эше 150 минут вакытны алды. 

5нче май көнне Пучы мәдәният йортында шагыйрь - Нур Баян фестивале үтте. Бу конкурста 7нче класс укучысы Сибгатуллина Алисә 3 урынга лаек булды. 9 класс укучысы Бикмухаметова Гүзәл, 6 класс укучылары Бикмухаметова Лилия, Ахсанова Илүзә, Шәкурова Голназ катнашучы дипломы белән бүләкләнделәр. Җитәкчеләре татар теле һәи әдәбияты укытучысы Рәшитова И.С. Уңышларыгыз белән котлыйбыз!

     Яз көне умарталар өчен урын әзерлиләр, аларны кышлау өеннән алып чыгалар, кышлау өеннән чыгарылган һәм иректә кышлаган умарта кортларының тирәләп очуларын күзәтәләр, умарталарын өстән-өстән генә булса да карап-тикшереп чыгалар. Сәламәтләндерү һәм профилактика эшләрен башкаралар. 30 апрель көнне Киров урта мәктәбендәге бал кортларын җәйгә әзерләделәр. Яңа умарталарны буяп, кортларны шуларга күчерделәр. Иске умарталарны юып, чистартып куйдылар. Кортларга ашарга бирделәр.

30 нчы апрель көнне ОБЖ фәненнән ачык дәрес үтте. 1-4 класс укучылары янгын сүндерү чаралары белән таныштылар, видеоролик карадылар. 5-8 класс укучылары арасында викторина уздырылды. 9-11 классларда “Хәрби хезмәткә әзерлек” темасына ачык дәрес үткәрелде.  Соңыннан барлык мәктәп укучылары арасында эстафета үткәрелде.