Кичә мәктәптә  гомуми ата-аналар җыелышы булып узды. Мәктәп директоры Гарипов Даниал Дәниф улы уку елы нәтиҗәләре белән таныштырды . 7 класс укучылары үзләренең кызыклы проектларын тәкъдим итте, 8 класс укучылары "Дус класс серләре" конкурсында күрсәткән чыгышлары белән катнашты һәм "Йолдызлык" бәйгесендәге концерт номерлары белән чыгыш ясадылар.

Бакчабызда эшләгән һәрбер хезмәткәр -тәрбияче ролен үти ала. Чын күңелдән үзләренең эшләрен яраткан һәм чын күңелдән балаларны яраткан хезмәткәрләр эшли бакчабызда. 

Бүген безнең бакчабызда район балалар бакчалары мөдирләре педагогик киңәшмәгә җыелды. Еллык эшчәнлеккә йомгак ясалып,алдагы уку елына максат, бурычлар билгеләнде. 

 13 май конне Әлфия Авзалова исемендәге район мәдәният сараенда «Киләчәккә адым» балалар техник иҗат фестивале җиңүчеләрен хөрмәтләделәр. Безнең мәктәптән 6 класс укучысы Хуҗин Азат һәм 9 класс укучысы Мирхайдарова Айсылулар  бүләкләнделәр. Җитәкчеләре - Шәйхелмарданов Ә.В., Хафизова Р.Ф. Аларга киләчәктә дә уңышлар теләп калабыз.

Бүген  авылыбыз үзәгендә урнашкан һәйкәл янында балалар белән сугышта һәлак булганнарны искә алырга җыелдык. Җиргә кабат язлар килде. 79 нчы Җиңү таңы атты.  Ачы сугыш хакында ишетеп кенә белергә язсын иде.

  Актанышта яшь юл хәрәкәте инспекторларының «Куркынычсыз тәгәрмәч» конкурсы булды. Бу конкурста 20 мәктәп командалары ярышты. Командалар биш тукталышта биремнәр чиштеләр. Велосипедны фигуралы йөртүдә 5 каршылыкны үтәргә кирәк булды, юл йөрү кагыйдәләрен, юл билгеләрен белүдә дә яшь инспекторлар сынатмады. Безнең  мәктәп командасы "Медицина өлкәсендә иң белемле отряд" исеменә лаек булды. Котлыйбыз. Команда составында Валиуллин Артем, Валиуллина Асылъяр, Гардиев Ислам, Сагбетдинова Юлианналар. Җитәкчесе- Гаянова Йолдыз Заһидулла кызы.

Бүген, 8 май көнне, авылыбызда Бөек Җиңү көненә багышланган тантаналы митинг булды. Тантаналы бәйрәмдә укучылар актив катнашты. Бәйрәм Батырлар истәлегенә венок кую һәм бер минут тынлык белән тәмамланды.

Мәктәпнең ЮИД отряды членнары 9 май бәйрәме алдыннан Георгий тасмасы тарату акциясенә кушылдылар. Якынлашып килүче Җиңү көне белән  котладылар. Бәйрәм алды чарасы уңышлы узды.

"День Эколят" Бөтенроссия проектлары кысаларында һәм ЭкоЯз акциясе уңаеннан мәктәптә 2 май көнне 5-11 класс укучылары арасында  "Экоквест" ярышы үткәрелде. Укучылар биш командага бүленеп ярыштылар. Укучыларга квест бик ошады, алар актив булдылар. "Успешные" командасы беренче урынны яулады, 2 урын-  "Алгарыш" һәм "Комета" командаларына, 3 урын- "Җилкәннәр" һәм "Листочки" командалары алды. "Экоквест" бәйгесен  биология һәм  химия укытучысы Гөлнара Хәбир кызы Мәгъдәнурова оештырды.

Бөек җиңүнең 79 еллыгын каршылау уңаеннан бакчабызда күп кенә эшләр башкарыла. Нәниләребез белән һәйкәл янына барып танышып кайту, тыл ветераннарын барлау кебек елдагыча эшләр белән беррәттән быел Әфганстан һәм Чечня сугышларында катнашкан ир-егетләребезгә багышланган стендны яңарттык. Илебез тынычлыгын саклау өчен үзләреннән өлеш керткән һәрбер яугирне онытырга хакыбыз юк. Доньялар имин булып, күкләребез аяз булсын иде.