Кичә гимназиянең 7 нче сыйныф укучылары КФУның Филология һәм сәнгать институты тарафыннан оештырылган татар теленнән онлайн видеодәрестә катнаштылар.

Кыш бабай призына үткәрелгән дзюдо буенча ярышларда гимназия-интернатның 4 нче сыйныф укучылары Бәширов Риназ, Хәйбиев Әмир, 6 нчы сыйныф укучысы Хисматова Мәрьям 1 нче, 10 нчы сыйныф укучысы Исламова Ләйлә 2 нче, 5 нче сыйныф укучысы Мухамадуллина Гүзәл һәм 7 нче сыйныф укучысы Мухамадуллина Алия 3 нче урынга ия булдылар.

Гимназия-интернатның 8 нче сыйныф укучысы Салихов Илназ Кыш бабай призына үткәрелгән гер спорты буенча ярышларда 1 нче урынга ия булды. 11 нче сыйныф укучысы Шәйхразиев Ренар 3 нче урынны яулады.

Гимназия-интернатның 4 нче сыйныф укучысы Солтанов Марат Кыш бабай призына үткәрелгән өстәл теннисы буенча ярышларда 1 нче урынга ия булды.

8 нче гыйнвар көнне гимназия-интернатта "1 нче яртыеллык нәтиҗәләре. Укытучының уңышлылык критерийлары" темасы астында педсовет узды. 9 нчы гыйнвар көнне укытучылар группаларга бүленеп метапредмет дәресләр әзерләп, аларны башкаларга тәкъдим иттеләр. Иң яхшы дәрес эшкәртмәләре бүләкләнде.  

Гимназия-интернатның 9 нчы сыйныф укучысы Закирҗанов Алмаз Кыш бабай призына үткәрелгән көрәш буенча ярышларда 2 нче урынга ия булды.

Бүген гимназия-интернатның 11 нче сыйныф укучылары рус теле фәненнән районкүләм БДИ да катнашалар.

Гимназия-интернатның 4 нче сыйныф укучысы Дәүләтов Фаил Кыш бабай призына үткәрелгән шахмат буенча ярышларда 3 нче урынга ия булды.

Уку алдынгылары, фән олимпиадаларында җиңүчеләр, спортта һәм мәдәният өлкәсендә яхшы уңышларга ирешкәннәр – бер сүз белән әйткәндә, мәктәп тормышында кайнап яшәүче актив укучыларны ел саен муниципаль район башлыгы чыршысына чакыралар. Анда катнашу – зур мәртәбә, район башлыгының үз кулларыннан «Рәхмәт хаты» алу – һәр балага карата зур хөрмәт һәм игътибар дигән сүз.
Бүген, 7 январь көнне Актанышта Мәдәният сараенда узган Чыршы бәйрәменә төгәл 100 укучы чакырулы иде. Алар бәйрәм бүләге итеп үзләре кебек үк сәләтле балалар катнашында музыкаль тамаша карадылар.
Муниципаль район башлыгы Фаил Камаев укучыларны бәйрәм белән котлады, теләкләрен җиткерде: ”Без, өлкәннәр, мәктәптә сезнең көн саен фәннәрне өйрәнү генә түгел, ә тормышта кирәк булган барлык белемнәрне үзләштерүегезне телибез.  Сезгә уку, физик культура һәм спорт белән шөгыльләнү, төрле сәләтләрне үстерү өчен яхшы шартлар тудыру буенча без  бүген барысын да эшлибез. Сәләтле балаларга ярдәм итү-безнең эшебезнең төп юнәлешләреннән берсе”,– диде ул, һәр укучыга кулын кысып, Рәхмәт хаты һәм истәлекле бүләкләр тапшырды. Алар арасында гимназия-интернаттан Газизова Сөмбел, Шәйхуллина Фирүзә, Тимерова Илсинә, Фәйрушин Илдар, Шәяхмәтов Илдар да бар. Котлыйбыз!