Безнең балалар бакчасында  балаларны инглиз теленә өйрәтү 3 яшьтән үк алып барыла.  Уку елы башында ук инглиз теленә өйрәтүнең эш программасын төзеп куела. Хәзерге вакытта 2 кечкенәләр, уртанчылар төркемнәрендә инглиз теленә өйрәтүне Овчинникова Оксана Измаил кызы алып бара. Педагогик киңәшмәгә әзерлек кысаларында 2 кечкенәләр төркеме балалары белән ачык белем бирү эшчәнлеге күрсәтте. 

Безнең балалар бакчасында балаларны кечкенәдән үк инглиз теленә өйрәтү максатында түгәрәкләр эшләп килә. Балаларны чит телгә өйрәтүне 3 яшьтән үк алып барабыз. Бу эшне Овчинникова О.И. һәм Кирамова Л.Р. лар алып бара. Бүген Кирамова Л.Р. җитәкчелегендә мәктәпкә әзерлек төркеме балалары "Wooden House" театрын сәхнәләштерделәр.

Бүген бакчабызда зурлап бөек шагыйребез Г.Тукай туган көнне билгеләп үттек. Бу бәйрәмне үткәрүдә тәрбияче Насрыева Л.Н. зур көчен куйды. Ә бәйрәмдә бер бала да, бер хезмәткәр дә катнашмыйча калмады. Г.Тукайның шигырь, әкиятләрен сөйләүдә, аның сүзләренә язылган җырларны башкаруда, Г.Тукай әкиятләре персонажлары булып катнашуда бар кеше дә үз өлешен кертте. Ата-аналар да читтә калмады. Алар бөек шагыйребезнең әкиятләренә, шигырьләренә багышлар рәсемнәр, кул эшләре ясадылар. 

1 кечкенәләр төркемендә тәрбияче Шайхутдинова Ч.Т. йомгаклау шөгыле күрсәтте. Балалар ел буена өйрәнгән белемнәрен күрсәттеләр, "Теремкәй" әкиятен сәхнәләштерделәр.

"Театр яктылыкка, нурга илтә" балалар театр коллективларының район бәйгесендә безнең балалар бакчасының  зурлар төркеме балалары С.Сәүбанованың "Шифалы сөт" әкияте белән уңышлы чыгыш ясадылар. Театрны сәхнәгә тәрбиячеләр Шайхутдинова Г.Р., Вахитова Г.Х. лар әзерләделәр. Безнең балалар коллективы призлы 2 урынга лаек булды. Без аларны чын күңелдән бу зур уңышлары белән котлыйбыз.

12 - апрель - космонавтика ккөненә багышлап балалар бакчасында бик күп чаралар үтте. Аларның берсе - ата - аналарның кул эшләре күргәзмәсе. Бу күргәзмә уртанчылар төркеме балалары һәм ата-аналарының эшләреннән оештырылды. Балалар бакчасы белән бергә хезмәттәшлекләре өчен аларга зур рәхмәт.

Бүген уртанчылар төркеме балалары белән җылы яклардан кайтучы кошларны каршы алдык. Алар яз, кошлар темасына багышлап бик күп шигырьләр сөйләделәр, җырлар җырладылар, табышмакларга җаваплар таптылар, уеннар уйнадылар.

"Балаларның үсешендә булган кимчелекләрне коррекцияләү эшчәнлеген тагын да яхшыртуда кулланыла торган эш алымнары" дигән темада үткәреләчәк педсоветка әзерлек кысаларында логопедның мәктәпкә әзерлек төркемендә Ганиева Л.М. ның эш алымнары белән танышттык.

Бүген Чалманарат балалар бакчасында база балалар бакчалары тәрбиячеләре "Мәктәпкәчә яшьтәге балаларны ике телгә өйрәтү" дигән темада фикер алыштылар, Чалманарат балалар бакчасы коллективының бу юнәлештәге эшчәнлеге буенча эш тәҗрибәсе белән уртаклаштылар.

Укытучы-логопед Нуртдинова Ф.Г. ның индивидуаль һәм төркемчә шөгыльләрендә балалар белән аваз әйтүдә кимчелекләрне төзәтүдәге эш алымнары белән таныштык.