Уртанчылар төркеме балалары тәрбичеләре Ландыш Нуровна белән әти-абыйларына котлау открыткалары ясадылар.

Бакчабызда әтиләребзне, абыйларыбызны "Ватанны саклаучылар көне" белән котлауны мәктәпкә әзерлек логопед төркеме (тәрбияче Мирзагитова Г.Р.) башлап җибәрде.

Балалар бакчасының балалар коллективы "Йолдызлык-2019" фестиваленең II турында уңышлы чыгыш ясадылар. Афәрин!!!

Һәр ел фасылының үз матурлыгы икәненә без бүген тагын бер кат инандык. Актаныш ял паркында сәяхәттә булып,  зәвыкь белән эшләнгән сыннарга, зифа буйла агачларга  сокланып, таныш кошларны  очратып, уен зоналарында күңел ачып, уңай хисләр, җан рәхәтлеге  алып кайттык. 

Бүген Татарстан Республикасының Иҗтимагый палата әгъзасы Наталья Реснянская балалар бакчасында эшләүче өлкән тәрбиячеләр, психологлар өчен  “Инновацион белем бирү эшчәнлеге контекстында педагогик проектлаштыру” исеме астында оештырылган семинар үткәрде. Бу семинарда безнең балалар бакчасыннан да педагоглар һәм ата-аналар катнашты. Барлык  катнашучылар арасында Казан шәһәренең  "Егоза" үзәге җитәкчесе буларак әлеге педагогның эш тәҗрибәсе зур кызыксыну уятты.

Елдагыча, безнең балалар бакчасы коллективы да  “Россия чаңгы юллары”  акциясенә кушылды. 

Безнең балалар бакчасында кышкы уеннар атналыгы узды. Балалар барлык уеннарда да бик теләп катнаштылар. Катнашучылар, ике командага бүленеп, төрле эстафета уеннарында көч сынаштылар Кунак булып Кыш бабай да килгән иде. Ул балаларның күңелле итеп уйнауларын күзәтеп торды һәм үзенең тәмле күчтәнәчләрен таратты. Уеннар барысына да бик ошады.

Бүген безнең балалар бакчасында  район күләмендә үткәрелгән "Йолдызлык-2019"  бәйгесенең беренче сайлап алу туры узды. Балалар бер дә сынатмадылар, уңышлы чыгыш ясадылар. Алдагы сайлап алу турында да без аларга уңышлар телибез.

Әйләнә-тирәбездәге предметлар: агач, мамык, тимер, ташларның үзләрен ничек тотулары турында кызыклы тәҗрибәләр ясап, суда таш белән тимернең тиз батуын, агач белән мамыкның су өстендә йөзеп йөрүен ачыкладык.