Район күләмендә Кол Галинең тууына 850 ел тулуга багышланган, аның “Кыйссаи Йосыф” әсәренең 800 еллыгы һәм туган тел көне (Татар теле) уңаеннан бик матур бәйрәм уздырылды. Туган телебезгә карата матур җырлар, дәртле биюләр, милли йолалар, шигырьләр яңгырады. Балаларның ихлас чыгышлары бәйрәм рухын күтәрде, киләчәк буынның туган телебезгә карата битараф булмаулары сөендерде. Бәйгедә 3 номинация буенча җиңүчеләр билгеләнде. Безнең мәктәптән "Нәфис сүз" номинациясендә 9 сыйныф укучысы Моксинов Илфар I урынны яулады. Аның шигырь сөйләве барысын да таң калдырды. Илфарга киләчәктә зур иҗади уңышлар телибез. Шундый яшьләр булганда туган телебез сакланыр, дәвам итәр. Бәйгегә әзерләгән татар теле һәм әдәбияты укытучысы Гыйльметдинова Алсу Галимҗан кызына зур рәхмәтебезне җиткерәбез. Туган телебезне яратучы, саклаучы балалар булганда милләтебез яшәячәк.