2021 нче елның 28 нче декабрендә мәктәптә 1-9 нчы сыйныф укучылары өчен көтеп алынган Яңа ел бәйрәме узды. Балалар өчен яңа ел-әкиятләр һәм могҗизалар чоры. Бу вакытта балалар Кыш Бабай, Кар кызы килүен һәм, әлбәттә инде, бүләкләр көтәләр.
 Балалар үзләренең сыйныф җитәкчеләре белән бергә кабинетларны бизәүдә иҗади фантазия күрсәттеләр. Барлык сыйныфларда да  тылсымлы бәйрәм якынаю сизелә иде. Ә урамда кичке сәгатьләрдә мәктәп төрле төстәге утлар белән балкый . 

 Балалар иң көтеп алынган кунакларны – Кыш бабай белән Кар кызын зур шатлык белән каршы алдылар, тамашачылар гына түгел, ә бәйрәмдә катнашучылар да булдылар: үзешчән сәнгать номерлары күрсәттеләр, конкурсларда катнаштылар, чыршы тирәли әйлән-бәйлән уйнадылар, күңел ачтылар. Чара дәвамында ата-аналар балаларның ихлас елмаюларын һәм бәхетле күзләрен күзәттеләр.
 Яңа ел бәйрәме-киләсе елда иң яхшыга өмет белән, барлык теләкләрнең тормышка ашуын көтү белән бәйле искиткеч бәйрәм.