5 октябрьдә Бөтендөнья гражданнар оборонасы көненә багышланган Тормыш иминлеге нигезләре буенча Бөтенроссия ачык дәрес үткәрелде.
Әлеге чараның максаты булып тормыш эшчәнлеге иминлеген формалаштыруга бердәм караш булдыру, укучыларның игътибарын үсеп килүче буынның тормыш куркынычсызлыгы культурасын күтәрү проблемасына җәлеп итү, теоретик белемнәрне, «тормыш иминлеге нигезләре» укыту дисциплинасын нәтиҗәлерәк үзләштерү, шулай ук янгын сүндерүче һәм коткаручы һөнәрләренең абруен күтәрү торды.
Чара барышында 1-9 сыйныф укучыларына һәм мәктәп хезмәткәрләренә кеше яшәү тирәлегенең куркыныч факторларын тану һәм бәяләү күнекмәләрен формалаштыру, алардан саклану ысулларын табу, гадәттән тыш хәлләрдә үз-үзеңне тоту, үз тормышыңны һәм сәламәтлегеңне саклау, зыян күрүчеләргә беренче ярдәм күрсәтү кирәклеге турында мәгълүмат җиткерелде.
1-9 сыйныф укучылары һәм мәктәп хезмәткәрләре белән янгын чыкканда эвакуация үткәрелде.
Мондый дәресләр укучыларның куркынычсызлык кагыйдәләре турында белемнәрен киңәйтергә һәм янгын вакытында үз-үзләрен дөрес тотарга, беренче ярдәм күрсәтү кагыйдәләренә өйрәтергә мөмкинлек бирә.