«Саннар дәресе» Бөтенроссия Белем бирү акциясе кысаларында «ясалма интеллект һәм машина белән укыту» темасы буенча 14-24 сентябрь көннәрендә безнең мәктәптә информатиканы өйрәнүгә һәм программалаштыруга карата кызыксыну арттыруга юнәлдерелгән тематик дәресләр узды. Акциядә катнашучылар сыйфатында 1-9 сыйныф укучылары (38 кеше) катнашты. Чараны информатика укытучысы Гыйльметдинова А.Г. һәм башлангыч сыйныф җитәкчеләре: Әхмәтҗанова Г.И.., Сафиуллина Н. Г. үткәрделәр.

Дәрестә укучылар пилотсыз автомобиль мисалында ясалма интеллект алгоритмнарын булдыруның барлык этапларын уздылар һәм Data Scientist һөнәре турында белделәр. 1-4 нче сыйныф укучылары «яңа эш башлаган сынаучылар өчен дәрәҗә», 5-7 нче сыйныф укучылары «тәҗрибәле белгечләр өчен дәрәҗә»үзләштерделәр.