????????????Сөенечле яңалык!????????????
Ветеран укытучыбыз Мәхтүмә Минзакир кызы инициативасы белән мәктәп музеенда авыл өе күренеше булдырылды.

Кыска гына вакыт эчендә, мәктәп директоры Фирдәвес Минәхтәм кызы белән киңәшләшеп, Зыя абыйның музеен тулыландырып ,тагын да ямьләндереп, бик күп материаллар туплап , аерым бүлмәдә күркәм  авыл өе күренеше урнаштырылды.
Игелек кылу элек- электән халыкта савап саналган, кылган игелек югалмый, үзеңә киредән әйләнеп кайта.Музей тозелешендэ булышучыларга да , матди  ярдәм күрсәтүчеләргә  дә зур рәхмәтебезне белдерәбез!

Коллегабыз Розалия Әхмәдулла кызы Дәүләт советы рәисе Фәрит Мөхәммәтшин тарафыннан купьеллык намуслы хезмәте ,яшь буынга тирән белем һәм тәрбия бирүдә ирешкән казанышлары өчен ТР мактау грамотасы белән бүләкләнде.
Хөрмәтле Розалия Ахмадулловна! Сез бар яктан да камил килгәнсез. Гомерегез мактаулы хезмәт юлы белән үрелгән, тормышыгыз да сокланырлык. Ничәмә-ничә еллар авыл балалар бакчасында  намуслы эш башкарасыз, хезмәттәшләрегез арасында тирән хөрмәт һәм ихтирам казандыгыз. Вакытыгызны, көчегезне беркайчан да кызганмыйсыз. Киләчәктә дә исән-сау булыгыз, тормыш иптәшегез белән бергә-бергә балалар, оныклар бәхетенә куанып, рух күтәренкелеге белән яшәгез.
Күзләрне иркәләгән бу соклангыч тормыш юлы артында күпме акыл зирәклеге, кул тырышлыгы, сабырлык ята. Шушы рәхәтне булдырган алтын кулларыгыз сызлауны, тынгысыз җаныгыз ару-талуны белмәсен. Саулыкка тиенеп яшәргә, тапкан бәхетегезне югалт¬мыйча бәрәкәттә, муллыкта яшәргә язсын. Йөзегездә бәхет чаткылары сүнмәсен, уй-хыялларыгыз матур, туар таңнарыгыз тыныч, саулыгыгыз ныклы булсын.