1 апрель-Бөтендөнья кошларны саклау көне уңаеннан 4 апрель көнне Салагыш балалар бакчасында "Кошлар безнең дуслар" исемле дәрес узды. Бакчага йөрүче балалар кошлар турында нәшир ителгән китаплар, журналлар белән таныштылар. Күчмә кошларның исемнәрен санадылар. Иң беренче туган якларга кара каргалар, сыерчыклар килүен дә әйттеләр. Кошларны кышын төрле җимнәр белән дә сыйлаулары турында да сөйләделәр. Көнбагыш, дөге, икмәк, тары, бодай, арпа кебек җимнәр сибәләр икән алар кошларга. Балалар кошлар кебек авазлар чыгарып та, аларча сайрап та, җырлап та күрсәттеләр. Балалар бакчасы мөдире Алсу Исмәгыйлева белән "Оча, оча каргалар оча..." уенын да бик теләп уйнадылар. Дәрес барышында балаларны кошлар турында тизәйткечләр, сынамышлар, әйтемнәр, шигырьләр белән дә таныштырдык. Дәрес ахырында балаларга кошларны сакларга һәм якларга кирәклеге турында да әйтеп үтелде. Бигрәктә Кызыл китапка кертелгән кошлар турында аеруча тулырак итеп сөйләнелде. Балалар бакчасында очрашу, алар белән аралашу бик җанлы һәм матур булды. Алар әле үзләре дә, нәни "кошчыклар" гына бит! Сәламәт булыйк, матур һәм батыр булыйк балалар!

1 апрельдә Әгерҗе районы буенча узган "Татар малае, татар кызы " конкурсында Закиров Самат " Төбәгебез киләчәге- ныклы кулларда" номинациясендә җину яулады

Салагыш башлангыч сыйныф укучылары  сыйныф сәгатендә  3 чирек нәтиҗәләре белән таныштылар. Язгы ял чорына инструктаж белән танышып кул куйдылар. Башлангыч сыйныф укучылары интернетның кирәкле булуы белән беррәттән, куркыныч булуы турында мәгълумат алдылар. Интернет челтәрендә кирәкле материалны дөрес итеп сөзеп ала белергә кирәк. Дөрес итеп файдаланмасаң, кеше сәламәтлегенә зыян китерә, интернет бәйлелек килеп чыга. Челтәрдә таныш булмаган кешеләр белән, сайтлар белән аралашмаска, конфиденциаль мәгълуматны челтәр аша җибәрмәскә кирәклеге дә азсызыкланды. Соңыннан әйтелгәннәр презентация белән ныгытылды.

Бүген уку елының иң озын чиреген- 3 чирекне тәмамладык.  28 март - 5 апрель көннәрендә укучылар язгы каникулда булачаклар. Шул уңайдан тәрбия эшләре буенча директор урынбасары Кузина Фәридә Дульфатовна "Безопасные каникулы" темасына  видеодәрес үткәрде. Укучылар, каникул көннәрендә тормыш куркынычсызлыгы кагыйдәләрен үтәгез, исәнлектә- саулыкта ял итеп, сезне  4 чирекне башларга 6 апрельгә мәктәпкә көтеп калабыз.

25 марта 2022 года в МБОУ Салаушская СОШ для учеников 1-11 классов состоялись тематические уроки "Безопасность в Интернете" в рамках Года цифровизации и республиканской программы Урок Цифры.
Целью урока было формирование осознаннного отношения учеников к потенциально опасным действиям в Сети, защита данных, создание надёжного пароля, травля в виртуальном пространстве и финансовая безопасность при пользовании Интернета.
Кроме того, в рамках урока  обсуждались  представления учеников о безопасности в Интернете, были сформулированы выводы, необходимые в реальных жизненных ситуациях.

Бүген Тирсә урта гомуми белем бирү мәктәбендә шагыйрь Чыңгыз Мусин исемендәге район фәннни- гамәли конференциясендә 8 сыйныф укучысы Бариева Чулпан фәнни-эзләнү эше белән катнашты. 

Нәүрүз бәйрәме - язны каршылап, язгы чәчү эшләре алдыннан үткәрелә торган халык бәйрәме ул. Бүген бәйрәм. Бүген Нәүрүз. Нәүрүз шатлык, бәхет алып килә.Нәүрүз - яз бәйрәме. Шул уңайдан Уразай башлангыч сыйныф укучылары, мәктәп хезмәткәрләре белән берлектә Нәүрүз бәйрәме оештырдык. Индира апа укучыларга"Нәүрүз" бәйрәме турында анлат ты, матур итеп бәйрәм турында сөйләде. Бәйрәм барышында "Ярманы таны" исемле уеннар, Яз турында шигырьләр сөйләдек, җырлар җырладык. Авылдашыбыз Кәүфия апа Тукаеваның кул эшләреннән күргәзмә куйдык, укучыларны матур хезмәтләр белән таныштырдык, Кәүфия апа турында да белешмә бирдек. Бәйрәм бик күңелле узды. Пешекче Әнсәрия апаның бәйрәмгә җыелган ярмалардан пешергән боткасы "телне" йотарлык тәмле булды. Бәйрәмнәр түгәрәк һәм мөбарәк булсын дуслар!

Бүген икеләтә бәйрәм. 21 нче март - Бөтендөнья шигърият көне. Халыклар шигърият көне уңаеннан Уразай башлангыч сыйныф укучылары белән берлектә сыйныф сәгате уздырдык. Укучылар туган телдә Раилә апа Бариеваның, Асия апа Корбангалиеваның, Гәрәй Рәхимнең шигырьләрен укыдылар һәм яттан да сөйләделәр. Шулай ук укучылар өчен күргәзмә дә оештырдык. Укучыларга  Салагыш авыл китапханәсеннән бик матур журналлар, китаплар тәгьдим иттек, алар бик сөенеп өйләренә укырга да алдылар. Бәйрәмнәр котлы булсын!

Бүген Салагыш башлангыч сыйныф укучылары "Нәүрүз" бәйрәме үткәрде. Балалар бакчасына да Нәүрүз әйтеп керделәр. Очрашу күңелле җыр, бию, шигырьләр белән үрелеп барды. Нәниләр Нәүрүз кызы кәрзиненә алып килгән ярмаларын салдылар. Күңелле бәйрәм өчен рәхмәт әйтеп калдылар. 

  Бәйрәмне музейда дәвам иттек. Хәлимә апалары  бәйрәм тарихы белән таныштырды, Нәүрүз әйтүче укучыларга укуларында уңышлар теләп күчтәнәчләр өләште. Бәйрәмнән 11 нче сыйныф укучылары да читтә калмады. Эльвира, Эльза, Вәзилә апалары да күчтәнәчләр белән килгән иде. 

  Шат балаларның юлы ашханәдә тәмамланды. Аш - су осталарына да бәйрәм программасын тәкъдим иттеләр. Тәмле ашлар пешерүдә уңышлар теләп җыелган ярмаларын калдырып чыктылар. Тәнәфестә  төрле ярмаларны кушып пешерелгән Нәүрүз боткасы белән барлык мәктәп укучысы сыйланды. 

  Балаларны шатландырган   һәркемгә сәламәтлек юлдаш булсын! Илләр тыныч, күңелләр шат, табыннар бул торсын!