Безнең мәктәп әле 11 нче май көнне “Безопасное колесо” конкурсында да катнашты. Алар нинди генә сынаулар үтмәгәннәр: велосипедта да йөргәннәр, беренче ярдәм дә күрсәткәннәр, юл билгеләрен дә дөрес күрсәткәннәр. Бу ярышта 6 нчы сыйныф укучысы Юсупов Илмир II урын алып грамота һәм бүләк белән бүләкләнгән. Без аны да зур җиңүе белән котлыйбыз.

Безнең команда 11 нче май көнне Әгерҗедә узган Спартакиада да катнашып район буенча III урынны яулап кайтты. Җиңел атлетика буенча 10-11 нче класс кызлары арасында 11 нче сыйныф укучысы Шаймарданова Айсылу I урын, 9 нчы сыйныф укучысы Расулев Фәрхад егетләр арасыннан  I урынга лаек булдылар.  Без аларны җиңүләре белән котлыйбыз.

Җиңү көне! Нинди сагышлы һәм шатлыклы бәйрәм. Без үз кулларыбыз белән сугыш ветераннарына чәчәкләр бәйләме ясарга булдык. Һәр укучы да бу эшкә бик теләп катнашты. Салфеткадан ясалган бу чәчәкләр  бабайларны сөендерер дип ышанып калабыз.

Бүген 8 нче май. Авылыбызда зур бәйрәм. Бөек Җиңүнең 67 еллыгына багышланган митинг.  Без дә  мәктәп белән бу бәйрәмдә катнаштык. Бәйрәмгә сугыш ветераннары, авылга кайткан кунаклар җыелган.  

28 нче апрельдә республика күләмендә XIII "Фәннәр җилкәне"  исеме астында узучы фәнни гамәли конференциядә 9 класс укучысы Расулев Фархад, 10 нчы класс укучылары Ахметова Зиля.

1 нче класс укучысы Карипова Ралинә мактау грамотосына, 6 класс укучысы Мусина Диләрә "Конферанс" номинацисендә 1 нче урынга лаек булды. Җиңүең белән, Диләрә!

Бүген  мәктәп укучылары бердәм булып мәктәп территориясен чистартырга чыктык. Барыбыз да тырыштык. Шулай да иң тырышлары башлангычлар булгандыр, мөгаен. Алар спрот мәйданчыгын тырмаладылар, 5-7 нче сыйныфлар яшелчә бакчасын чистарттылар, 8 нче сыйныф укучылары мәктәп юлын себерде, өлкән сыйныфлар җимеш бакчасында эшләделәр. Бергәләп эшләгәч күңелле икән ул.

20 нче апрель көнне безнең мәктәпкә янгын сүндерү бүлегеннән абыйлар килде. Алар безгә янгын килеп чыгу очракларын, утның нинди куркыныч булуы турында сөйләделәр. Янгын килеп чыккан очракта кайда һәм кемнәргә хәбәр итәргә кирәклеген дә әйтергә онытмадылар. Бу  абыйлардан бик күп мәглүматлар алдык һәм без аларга бу эшләрендә уңышлар теләп калабыз.

Рамазанова Алия Татар филология секциясендә призер булды. Афәрин, Алия!

 Без кызларны бу җиңүләре белән котлыйбыз!