Көрәштә дә сынатмыйбыз!

26 нче февральдә Тирсә авыл җирлегендә татар-башкорт милли көрәше буенча район беренчелегенә ярышлар булды. Мәктәбебез егетләре сынатмадылар. Үз үлчәүләрендә тубәндәге урыннарга лаек булдылар: беренче урын Тулбаев Булат; икенче урынга Ямалиев И., өченче урынга Каюмов Булат, Тимершин Ильвир. Уңышларыгыз юлдаш булсын сезгә, егетләр!

10 нчы сыйныф  укучысы Расулев Фәрхад физик тәрбия буенча Респубдика олимпиадасында катнашып призерлы урынны яулады. Фәрхадне һәм аның җитәкчесе Закиров Шамил Мирзиян улын чын күңелдән бу уңышлар белән котлыйбыз!

Көрәштә дә сынатмыйбыз!

15 нче февральдә Кадыбаш мәктәбендә “Афган гаскәрләре” көненә багышланган татар-башкорт милли көрәш турниры булды. Көрәш түгәрәге оешканга 2 ай гына вакыт узса да егетләр сынатмадылар. Хазиев Рузил, Тулбаев Булат, Садыков Ришат, Расулев Фәрхад үз үлчәүләрендә  беренче урынны яуладылар; Ямалиев И., Юсупов И., Шакиров А., Каюмов Б., Якупов Р., Арсланов Т. – икенче урынга; Шакиров Д., Ибрагимов А., Башаров Д., Камарицкий М. -өченче урынга лаек булдылар. Уңышларыгыз белән котлыйбыз егетләр!

Мәктәптә бәйрәм!

       Күңелле дә, серле дә бәйрәм - ул Яңа ел! Кемнәр генә көтеп алмый икән аны! Менә без дә Кадыбаш мәктәбендә бу бәйрәмне зурлап үткәрдек. 

    Кадерле әниләр! Сезне якынлашып килүче Әниләр бәйрәме белән тәбрик итәбез. Сез – безнең яклаучыбыз, саклаучыбыз, барыр юлыбызны яктыртып торучы мәңге сүрелмәс кояшыбыз. Сез булган җирдә ризык бар, җылы бар. Бердәнбер иң кадерле, иң хөрмәтле, иң якын кешеләребез - Әниләр! Балаларыгыз турында гел яхшы сүзләр генә ишетеп яшәргә язсын Сезгә! Без бит беләбез: әниләр өчен моңардан да зуррак бәхет юк! Матур булсын, котлы булсын бәйрәмегез!

22 нче ноябрь көнне “Баскетбол” түгәрәгенә йөрүче кызлар һәм егетләр Исәнбай авылында узган баскетбол буенча зона ярышларында катнаштылар. Кызлар командасы 3 нче урынны, ә егетләр командасы 1 нче урынны яулап кайттылар. Без аларны бу җиңүләре белән котлыйбыз. Район ярышларында да зур уңышларга ирешүләрен телибез.

Укытучыларның һөнәри бәйрәме безнең мәктәптә бик кызыклы итеп 7 нче сыйныф укучылары оештырды. Укучылар укытучыларга багышлап концерт куйды. Шигырь, җыр-бию бер-берсенә бик матур үрелеп барды, укытучылардан имтихан алырга да онытмадылар.

Бәйрәмнә бәйгеләр алдан игълән ителде. Укучылар бик үзенчәлекле бизәлгән өстәлләр әзеләделәр. Көзге букет конкурсында 10 нчы сыйныф укучылары җиңү яулады. Суда алма ашау бәйгесендә Азатка тиңнәр булмады. Һәр сыйныф үзенең әзерләгән чыгышларын күрсәттеләр.Монда җыр да, бию дә булды. Егетләрнең гитара белән җырлаулары бәйрәмне тагын да җанландырды. Бәйрәм чәй табыны артында дәвам итте.  

Көз – уңышларга бай ай. Без дә нинди генә яшелчәләр, җиләк-җимешләр үстермибез мәктәп бакчасында. 8, 9, 10 нчы сыйныф укучылары бүген бик теләп кишер, чөгендер, кәбестә, бәрәңге уңышларын  җыеп алдылар. Бик зур рәхмәт аларга

Бүген мәктәптә беренче сыйныф укучылары өчен тәүге кыңгырау яңгырады.

Яңа уку елының беренче көнендә Республиканың барлык мәктәпләрендә Универсиада дәресләре үтте. Бу дәреснең максаты укучыларны 2013 Бөтендөня җәйге студентлар уеннары концепцисе белән таныштыру һәм укучыларны волонтерлар "Казан 2013" рәтенә тарту.