Бүген мәктәбебездә 1-3 нче сыйныф укучыларын “Россия бөркетләре” сафына багышлау тантанасы узды. Балалар намуслы, бердәм булырга, тырышып укырга, игелекле эшләр кылырга, Ватанны яратырга вәгъдә бирделәр. 
 “Россия бөркетләре” сафына кабул ителү- һәр бала өчен истәлекле вакыйга. Бу эштә аларга “Алдынгылар хәрәкәте” лидерлары булырга өлгергән өлкән сыйныф укучылары ярдәм итә. “Россия бөркетләре” билгесен дә укучыларның күкрәкләренә алар беркетте. 
 “Бөркет” булу ул- һәрнәрсәдә һәм һәрвакыт беренче булу, үзеңдә Ватанга мәхәббәт, тырышлык һәм белемгә омтылыш тәрбияләү, башкалар өчен дә үрнәк булу дигәнне аңлата. Балаларыбыз шундый булып тәрбияләнер дигән ышаныч бар. 
 Чарада ветеран педагоглар, авыл җитәкчеләре, әти-әниләр катнашты. Чара “Россия бөркетләре” җыры белән тәмамланды.