Бүген Бөек Ватан сугышында  ятып  калган  авылдашларыбыз хөрмәтенә  куелган  һәйкәл янында Бөек Җиңүнең 74 еллыгы уңаеннан тантаналы митинг үткәрелде. Митнингта сугыш чоры балалары, тыл ветераннары, авыл халкы, килгән кунаклар катнашты.Язгы кояшның мул итеп елмаюы,  укучылар  көче белән  әзерләнгән бәйрәм  программасы  иртәдән үк бәйрәм кәефе тудырды. Укучыларның ветераннарны эчкерсез котлап яңгыраган шигырь юллары, җырлар  берәүне дә битараф калдырмады.  Сугышта һәлак булучы якташларыбыз, тыл  хезмәтчәннәренә куелган һәйкәлләргә веноклар салынды. Дөньялар тыныч, күгебез аяз, гаиләләребез бөтен булсын! 

 “Үлемсез полк” акциясе – горурлык хисе уята торган, бик әһәмиятле тәрбияви дәрес.   8 нче май көнне “Үлемсез полк” акциясендә  мәктәптә белем алучы барлык укучылар, укытучылар  катнашты.