21 нче февраль- Халыкара туган телләр көне. Татар теле – ЮНЕСКО тарафыннан бөтендөнья халыкара аралашу теле  дип саналган 14 телнең берсе. Туган тел көне уңаеннан мәктәбебезнең 5, 6 нчы сыйныф укучылары шәһәребез китапханәсендә уздырылган  «Туган телем –  анам теле» дип аталган әдәби викторинада катнаштылар. Укучылар татар халкының танылган язучылары һәм шагыйрьләренең әсәрләрен, туган тел турында халкыбыз мәкальләрен, тылсымлы әкиятләрен искә төшерделәр, «Түбәтәй» татар халык уенын уйнадылар. Төрле сынауларны үткәндә укучылар туган телебез буенча булган белемнәрен искә төшерделәр,  ныгыттылар.  Очрашу халкыбызның бөек шагыйре Габдулла Тукайның «Туган тел» җырын бергәләшеп башкару белән тәмамланды.

8, 9, 11 нче сыйныф укучылары Р.Ш. Фәрдиев исемендәге  татар гимназиясендә шәһәр күләмендә узган Халыкара туган тел көненә багышланган чарада катнаштылар. Кичә туган тел, туган як турында шигырьләр, җырлы биюләр белән үрелеп барды. Безнең укучыларыбыз Бәширов Румил  Муса Җәлилнең «Маэмай» шигырен, Голованова Таисия, Иванова Мария туган якка, туган телгә багышланган җырлар башкардылар.  

Татар теле - матур, күркәм тел.  Безнең бурычыбыз-телебезне саклап калу.