Бүген, 28 нче март көнне, мәктәбебездә  Зәй муниципаль районы татар теле һәм әдәбияты укытучыларының ”Татар теле дәресләрендә һәм дәрестән тыш эшчәнлек вакытында укучыларның иҗади потенциалын күтәрү” темасына методик   семинары үтте. Семинарны Зәй шәһәре аерым фәннәрне тирәнтен өйрәнү юнәлешле 7 нче урта гомуми белем мәктәбенең директор урынбасары Петрова Әлфия Минирахман кызы ачып җибәрде. Көн тәртибе буенча 7 нче урта  һәм Төги, Поручик, Якты Күл төп белем бирү мәктәбе укытучылары чыгыш ясадылар.  Талипова А.Г., Нургалина Э.М., Нигъмәтҗанова Р.Р., Попова Г.М., Ханова Г.Ф.,  Мишеева Л.М.  семинар темасы буенча  эш тәҗрибәсе белән уртаклаштылар.

        Семинарны йомгаклап, Харисова Халидә Шакир кызы чыгышларны уңай бәяләде һәм алда торган бурычларны  бердәм эшләргә өндәде.